行山遇到三條女（少甜）: 山頂篇3

我地就搭車返去鑽石山，我就順便book左飛，個戲院都幾空，無咩人。

Irene今日都應該幾攰下，一上到車就瞓着左，靠左係我既肩膀上面，又係流哂囗水咁，流到我成個膊頭都係囗水漬，不過真係幾可愛，好似個bb咁。

但係我都無乘人之危，任佢瞓左係到。

搭左一個鐘，佢就瞓足一個鐘「就到啦，起一起身啦」我拍一拍佢既小臉蛋。

Irene就模模糊糊咁起身「哦..啊..到左啦」



我:「係呀」

之後我地就落左車行左到荷里活既頂樓，Irene就好開心咁行左入去戲院，然後佢又好慌張咁出左黎趴咗埋牆。

我就過左去拍一拍問佢「做咩呀」

佢就好驚咁同我講「芷晴同深田係入面呀，應該睇同一套戲呀」

我:「吓，咁點算呀」



Irene:「er.....等佢哋入去先囉」

結果我地就係門口到等左好耐「佢哋一齊無叫你咩」

Irene:「有呀，我話自己有野做，所以佢哋無講話去邊囉。」

我:「唉咁都撞到既」

Irene笑一笑講「點呀，你驚呀。」



我:「唔知呀」我再望一望「佢哋入左去啦，我地快啲入去啦。」

Irene:「哦」

我地入去既時候，部電影就啱啱開始，前面一排就係芷晴同深田，行緊去自己位到。

依到咁多空位，我地就梗係唔坐佢後面啦，隨便就搵左兩個位離遠啲坐，費時佢哋睇到嘛。

我地就好專心咁睇套戲，套戲係講關於巴黎既運動，一開始就講法國首次贏得世界盃，結束就用巴黎暴亂黎講，講左好多既社會議題，高潮迭起，睇到目不轉睛。

套戲完左之後，我就問Irene「你估佢哋會唔會諗住去間舖到探我。」

Irene好驚咁講「你同佢講左你返工呀」

我:「係呀，如果唔係點出黎呀，咁點算呀。」



Irene一路推我一路好趕咁講「你快啲返舖頭啦」

我聽到之後，就穿過重重人海，同時又要唔好俾芷晴佢哋睇到，之後再用我既飛毛腿跑去舖頭到。

我就到左舖頭到，就見到老闆娘同老細仲有可嵐係到休息。

可嵐就好似好開心咁過左黎拉住我隻手問我「浩然，你返左黎既。」

我鬆開左佢隻手講「唔好講住啦，我換左衫先」然後我就拿拿聲換好曬啲衫，坐左係到同佢哋傾下計咁。

果然無幾耐芷晴同深田就黎左。