行山遇到三條女（少甜）: 人格問題篇2

我一睜開雙眼，就見到可嵐坐左係我張床旁邊。「嘩屌，你嚇死人咩」

可嵐:「我入黎睇下你咋嘛，見你未醒未等你醒囉。」

我聽聽佢講野，就問佢「你仲係yeri？」

可嵐:「係呀」

我:「吓，點解既」我就一路起身一路講。



可嵐:「我直接瞓係光圈到，佢都無得同我搶。」

我:「咁癲，不過你咁做唔會搞到你地關係惡化咩。」

可嵐:「我諗你要搞清楚，係佢想搞我先囉。」

我拍一拍佢講「你唔使咁激動住先，你唔想同佢講野，不如等我同佢講下，再同你講返？」

可嵐:「我先唔要呀，你一陣同佢一齊搶左我個位，咁我咪又困住左。」



我伸左隻手指講「勾手指尾呀，我絕對唔會。」

點知佢直接無理我，「夠鐘返工啦，返完工再講啦。」

落樓既時候，我就問佢「係呢，點解你一開始唔搵芷晴既」

可嵐:「er...我...都唔知喎」

我:「吓，點解會唔知呀」



可嵐:「可能唔想太熟既人知掛」

我:「哦」

行去鑽石山既時候，就咁啱撞到芷晴，我就過去拍一拍佢膊頭「早晨bb」

芷晴:「早晨呀bb，欸，Yeri都係度既」

我:「哦，咁啱撞到姐」可嵐唔想講俾芷晴聽，咁唯有又講大話啦。

Yeri:「哦，係呀芷晴」

芷晴:「哦」

我就緩緩拖起芷晴隻手繼續行。搞到就得我同芷晴傾，就無左可嵐傾咁。始終情侶，個外人都幾尷尬下架嘛。