行山遇到三條女(少甜): 人格問題篇1
我一開門,步入眼簾既就係可嵐,我就有啲疑惑咁問「可嵐?」
可嵐見到我之後,就眼發淚光咁攬實我,係度喊。
我有啲不知所措,雙手都唔知放係邊到好,我就拍拍佢背脊安慰佢。「唔好喊啦」
我諗住用手解開佢,點知佢就抱得更加實。
我發覺解唔開之後,我就稍移玉步行去梳化到,佢就同樣地箍住我一齊行去梳化到。
其實成個畫面都幾奇怪。
佢去到梳化到,就都繼續趴係我膊頭到喊,喊多左陣之後,慢慢哭泣聲就細左落黎,情緒都應該平復啦。
我拍拍佢肩膀講「發生咩事呀」
可嵐就哭哭啼啼咁答我「可嵐佢想消滅我呀」
我:「你係yeri?」
可嵐:「係呀」
我:「點解會係你既,尋日先見完你咋喎」
可嵐:「今日可嵐佢去搵心理醫生,其實係想整合人格呀,人格整合要將我召喚出黎談判,所以我就出左黎。
但可嵐事先係完全無同我講過,我身處係個醫生房到真係好驚呀,真係好驚。我要被可嵐消滅啦。
真係估唔到,我同佢經歷左咁多野,佢竟然咁樣對我。
所以我就扮可嵐走左出黎。」
我:「吓,可嵐竟然咁對你,咁整合左你係咪就完全消失啦。」
可嵐:「我唔知呀」慢慢又哽咽起黎。
我:「咁你想我點幫你呀」
可嵐:「我都唔知呀,我都想可嵐好,但係點解佢講都唔同我講下呀,我真係接受唔到。」
我就諗起比利,就講「你地唔係有個房間可以講野架咩,你同佢溝通下。」
可嵐:「唔呀,我唔會同佢講野架」之後就瞓左係梳化到。
我都只能夠好無奈咁起身刷牙瞓覺,整合我明既,但係點解唔傾下呢。