行山遇到三條女（少甜）: 浪茄灣篇2

我地又再玩多左陣，游下水咁，玩得不亦樂乎。

去到太陽又就黎落山既時候，我地就排排坐咁坐係沙灘到，望住太陽慢慢咁落係地平線上。

Irene:「快啲攞電話黎，港女要打卡呀」

我就急急腳咁跑去攞左部電話過黎，「我諗左個提議呀，你同芷晴就嘴我，可嵐就係後面扮到嬲爆爆咁。」

可嵐:「食屎啦你，係度自肥」



我:「快啲啦，太陽就落山啦，1,2,3，笑」我兩邊面就即刻感覺到有兩個嘴唇緊貼。

我忍唔住就自己係度偷偷地笑。

芷晴:「開心到你呢」

我:「點呀，你地有無搽唇膏呀，有無唇印呀」

Irene:「無呀，囗水漬就有你份」



我:「等我睇下張相先」我就好似皇帝咁，有兩個靚靚妃子服侍我，可嵐就好似啲皇后捉姦咁望住我，夕陽餘暉照耀下顯得佢更加高貴。

我:「可嵐，你使唔使咁好戲呀，啤得咁勁既」

可嵐就望住我藐一藐嘴，好似好不屑咁，再擰番轉面。

之後，可嵐個肚就有幾下鼓聲。

我:「咁快又肚餓啦，咁去食野啦，我都肚餓」



我就攞左個爐同gas出黎，準備打邊爐。「有烏冬，丸，牛肉，不過唔知有無壞到呢」

個個都食到好滋味咁，我煮完啲野食，就又餵下芷晴又餵下Irene咁。大家食得開心，我就開心。

食完之後，我就想使走芷晴同可嵐，俾啲獨處機會我同Irene，但又唔知點好。

就直接講「Irene一齊去海灘散下步呀」再俾左個眼色芷晴佢哋。

Irene:「好呀」

點知可嵐又唔識睇眼色講「我又去」最後就要芷晴拉番低佢。

我就拉住Irene隻手緩步行去沙灘。