行山遇到三條女（少甜）: 浪茄灣篇3

我地就手拖手係沙灘到，感受住微微涼風吹過，踩住沙灘上既小沙粒。

我:「點呀，今日開唔開心呀」

Irene:「開心呀，係被個大色狼錫有啲唔開心囉」

我:「個大色狼話唔想淨係錫咁簡單喎」

Irene:「你同個大色狼講我唔會被佢得呈架」我就即刻錫左佢一下，再跑開左。



Irene:「好賤呀」之後就係後面追住我。

跑左陣，我就無再跑講「好攰呀，唔跑啦」

Irene:「咁廢架你」

我:「唔好講咁多啦，你閉埋隻眼先啦」

Irene:「搞咩呀你」笑一笑



我:「快啲啦」佢就乖乖地閉埋對眼。

我:「唔好開眼喎」我就繼續係度整。

我:「得啦，你可以開眼啦」

Irene就緩緩睜開雙眼「好靚呀」係一個由小燈泡整成既心形。

我就拖起Irene既雙手，讀出左我準備已久既說話。「我一啲都唔特別，係一個平凡既人，有住平凡既思想，過住平淡乏味既生活。



但係竟然有兩個女仔同時鐘意左依個平凡我，我都深深咁愛住佢哋，每分每秒都掛念住佢哋，諗住同佢哋一齊既時光。

我希望以後都可以同佢哋一齊生活落去，每一個節日，都可以一齊慶祝。

則使唔結婚都唔緊要架，我第時就努力搵錢，買層樓大家一齊住埋一齊。

第時就可以望住佢哋白髮蒼蒼、滿臉皺紋、逐漸老去既樣，一定仲係好靚。」Irene眼眶都紅哂。

我就繼續講埋我講既野「我愛你地」再輕輕一吻係佢嘴上。就幫佢帶上左隻手鈪「依隻手鈪我地三個都有架，開唔開心呀」

突然，Irene就崩堤大哭，滿臉淚光。

我就有啲不知所措，唯有抱住佢「做咩呀，bb發生咩事呀」

佢就無講野，只係不停咁低聲哭泣。我唯有就不停咁拍下佢膊頭，出言安慰下佢。



等左三分鐘，佢都應該無力再喊，就停左落黎又平復番。

我就問佢「做咩事呀」

Irene仲係帶住哭腔答我「無野...呀，我太感動...咋嘛」

我:「有無咁感動呀」

Irene:「梗係..有啦」

我就繼續執番地下啲野，要靚就梗係要付出代價啦。

執左三分鐘之後，Irene既情緒又再好番啲，「頭先篇野係上網抄架？」



我:「梗係唔係啦，全部野都發自內心架」

Irene:「算你啦」抄左又同你講咩

行多左陣，我地就到番營地到，就見到佢哋係度打啤牌。

可嵐:「去咁耐架你地」

芷晴就望一望:「哦，你整喊Irene，成隻眼紅哂既」之後就拉左Irene去佢身邊。

我:「無呀，佢太感動咋」

芷晴睇一睇Irene隻手又講「係喎，隻鈪送左人囉喎」

可嵐就望一望我，有少少仇視，有少少可憐咁啦，咁又係既，我地三個都有既野，佢無，係會妒忌啲㗎啦。



忽然叢林傳出左啲急步，跑得好快既聲音。依個安靜既環境裏面，風吹草動都聽到，依啲聲就顯得更加大聲。

三女都好驚咁抱住我，六神乳齊集，係我上中下三路攻擊我。

不過其實我都好驚呀，都唔知係咩奇珍異獸。「 沙沙」愈黎愈近啦。