行山遇到三條女（少甜）: 浪茄灣篇9

大家都食到舐舐脷，啲湯仲要飲埋。

Irene:「嘩好好飲呀」

我又望一望可嵐啲野，講「嘩可嵐，你又話我啲蟹細隻既，自己就食左成七八隻囉喎。」

可嵐就面都紅哂講「無呀..，咁你啲蟹細得滯，我咪食多啲囉。」

我就串一串佢講「鐘意食咪講囉，食多啲」



可嵐:「咁我繼續食啦喎」佢就聽唔出我串佢咁，繼續食，可嵐咁鐘意食野，都唔知點解唔肥得架。

食完之後，大家又係同兩隻狗狗玩下，當消化下。

之後，我地就去翻個營到，坐返低。

我:「嘩，真係好攰呀」

Irene:「成個阿伯咁架你」



我:「唔旭啦，有咩玩呀」

芷晴:「玩番啤牌囉」

我:「我先唔要呀，你地咁矛」

可嵐:「咁不如玩國王遊戲呀」

我:「未聽過喎，點玩架」



可嵐:「就係有四張牌，一張K國王，三張平民牌A12，之後就抽，抽中國王既就可以指定數字，發出絕對命令，其他人只可以無條件服從」啱哂我呀。

但係我又諗到:「係咪只可以指可以數字，無得叫佢哋服侍自己呀」

可嵐:「都知你會諗啲咁野啦，無呀」慘呢，佢哋一定係玩啲咩抱住轉圈圈嗰啲啦。

我見芷晴佢哋好似有啲疑惑既眼神，我就問「點呀，你地玩唔玩呀」

芷晴:「唔係呀，我依架先諗起，尋日係Yeri，點解今日仲係你既。」

係喎，佢唔記得扮野添，點算呢，我都幫唔到你啦，割蓆算「係囉，點解既」

可嵐就好不知所措咁「er......」我唔明講出黎有咩大不了囉。