行山遇到三條女（少甜）: 浪茄灣篇11

之後就又再抽，Irene就大嗌「Yeah我抽到啦」

唔知係咪我頭先搞到個氣氛活躍左，Irene就講「到我報仇啦，我要二號係三號既頸到整個咖哩雞」

我咪二號囉，唔知芷晴定可嵐係三號呢，如果係可嵐既話咪好尷尬。

佢哋兩個就同時揭開左張牌，三號係....可嵐呀。我地平時玩到點都好，都無咩身體接觸，依個係我地默認既點。但今次......。

芷晴就即刻講「算啦，唔好玩咁大啦」



Irene就情緒高昂咁講「唔得架，國王咁命令係絕對架，唔完成會受到詛咒架」

芷晴就擰轉左塊面，無理到我地，我都睇唔到佢既表情。

搞到我又唔知點算好。

Irene:「快啲開始啦浩然」我都未見過啲女朋友叫自己條仔錫其他人架。

我就問一問可嵐「你o唔ok呀」



可嵐就猶猶豫豫咁點左點頭，就閉埋隻眼，好似等我懲罰佢咁。

我上網睇過吻痕大概點整同埋唔好整係條頸到，因為可能會搞到大動脈。

所以我就行左去佢後面，係佢後頸到蹉跎左陣「我真係錫囉喎」

Irene:「錫你就錫啦，搞成五分鐘」

我就錫左落去，真空吸吮左十秒鐘，可嵐皮膚上都無咩毛，又滑又白皙，所以我都吸得幾爽下。可嵐都忍唔住「啊」左下，唔知係咪痛呢。



我就鬆開左囗「啵」一聲，同時就見到佢嗰度紅左 一噠。

我:「咁樣得未呀」

Irene:「都唔係幾紅既，不過算啦」

可嵐既耳仔同臉都紅哂。

芷晴就有少少嬲同唔開心咁擰番轉面，最衰都係Irene啦，一陣要氹下芷晴啦。

芷晴:「點呀，仲玩唔玩呀」

我真係搞唔掂啦，一陣又俾芷晴抽到國王，真係變成復仇大戰啦。「唔玩啦，大家都攰啦，早啲瞓啦」

大家就齊齊入營到，芷晴想入去既時候，我就拉住芷晴唔俾佢最早入「做咩呀」



我:「我地瞓出面呀」

佢就扯開左我隻手，自己一個瞓係沙灘椅到。