行山遇到三條女（少甜）: 浪茄灣篇12

我就擔左張櫈坐左係佢隔離，嘗試拉住佢隻手，佢就即刻抆開左我。

我:「bb呀，都唔係我想既，Irene迫我架咋」

芷晴:「人迫，人迫，你敢講自己唔爽」

我:「...」

芷晴:「無野講呢，我俾你同Irene一齊已經係我最大既容忍，點解你死都要一而再再而三咁傷害我呀。」



慢慢芷晴又流出眼淚，佢試圖用手抹光眼淚，掩蓋自己既傷痛，但眼淚都係不自覺咁不停流動。佢舉高頭，希望眼淚唔好掉落黎，又用牙咬實拳頭，想竭力制止抽泣。

真係望在眼內，痛在心裏。

佢竭斯底里咁嗌「你究竟有無愛過我架」

大聲到營裏面都有所動靜。

大聲到樹林既動物都走了。



大聲到連我都懷疑自己有無愛過。

令我諗番起當初究竟係為出pool，定係覺得佢可憐，定係我真係愛佢呢。

芷晴仲係哭哭啼啼咁叫「你答我呀」

我突然間就諗通左，不顧一切沖上前錫左落去。

愛係一種感覺，愛唔係講出黎，而係做出黎。



當刻既畫面可以用相機拍下，換成一張張既照片。但愛只能當刻感受到，如果你要思考，咁就唔係愛，因為你只係搵緊佢邊到值得你愛。愛係好似依架既我一樣，係會心痛，會緊張，會擔心。

所以我換作左行動作證明。

芷晴可能有啲受寵若驚，就睜大雙眼，同時就想推開我。

我就堅持到底，抱緊佢，繼續吻佢，舔著佢剛才滴落既眼淚，微微苦澀，卻輕微回甘，彷彿置身於佢啱啱既感情咁。

佢慢慢都開始無再推開我，卻也沒有回應我，我就繼續舔舐佢既櫻桃小嘴。

「啊，好痛呀」芷晴深深咁咬左落我嘴唇，咬到出哂血，好痛但都好真實。

其後，芷晴就好似隻吸血鬼咁，舔舐我嘴唇流下既血液，血液就沾左上佢舌頭上面，又仔細咁品嚐。

事情發生得太突然，我有啲不知所措。



芷晴就繼續同我親吻着，又除下我既褲頭。