行山遇到三條女（少甜）: 失去篇4

我地上到去高峰樂園之後，佢就拉左我去玩動感快車。

我望到部過山車真係喐得好快，上面得少少人都嗌到癲左咁，搞到我都幾驚下，腳都震。

可嵐就大叫「喂，浩然」

我先回過神來「做咩呀」

可嵐:「嗌極你都唔應我既，行快啲啦」



我就被佢拖住上左去動感快車到。

我坐左上去，就好似上刑台咁，佢既固定器緩緩咁降落，令我想走都走唔到。

可嵐:「佢開啦」過山車慢慢咁開出。可嵐就好似細佬女咁大呼小叫，睇得出佢真係好開心，

我:「點解佢咁慢既~~~~~」係我講完最後一隻字既時候，佢就突然高速移動。

可嵐就大聲咁叫「啊~~~」佢嗰種係覺得刺激既驚呼。



而我就無出到聲，安靜咁坐係度，並唔係我唔驚，而係因為啲離心力，令我驚到講不出聲。

之後佢又駛慢左，我睇一睇先知佢上緊坡，我緊張到捉實左可嵐隻手，佢又緊緊握住我。「唔洗驚架」

佢講完，我都安心左，不過恐懼感無幾耐又出返黎。

狂野俯衝之後又轉左唔知幾多個彎啦，我就黎連自己係邊都唔知啦。

我:「呃嘔」



可嵐:「浩然，你無野啊嘛」

我又嘔左陣之後，就答佢「無野啦依架」

可嵐:「你唔玩得同我講呀嘛」

我:「我都第一次玩咋，我都唔知原來係咁」

可嵐:「咁我地去玩其他啦」

我:「唔好意思呀，搞到你無得玩過山車添」

可嵐:「唔緊要啦，快啲行啦」佢又拉住我隻手行。

之後，我地又玩左啲咩碰碰車、飛天韆鞦咁，佢都玩得開心，唔知點解睇佢笑容滿面，我就都開心。



玩下玩下已經夜晚下啦，佢就伸左個懶腰「唔，好開心呀」

我:「都差唔多啦，走未呀」

可嵐:「仲有摩天輪呀，玩埋就走啦」

我地就一齊上左摩天輪到，轉呀轉，我地又係度望下風景咁，我真係望一望郊外風景，就可以好開心既人黎。

同埋摩天輪真係幾有懷念感，仲記得當初第一次黎既時候，仲係一家三囗，第一個玩既就係依個摩天輪，不過依架個男人已經唔得左佢咩樣啦。所有野都化成回憶啦。

可嵐:「喂，浩然」佢叫我一下，我就當然望過去啦。

我一擰轉面，佢就錫左過黎，我地雙唇相依，腦入面空白左，唔明點解會錫左過黎。



我望住佢雙眼合埋，如此柔情，嘴唇軟熟既感覺，久久不能自拔。

就咁就錫左十秒鐘。佢就緩緩離開，深情咁望住我。佢眼神有啲飄忽，個囗好似有野講又講唔出咁最後就彈左句「多謝你呀浩然」出黎。

我就都無再提起錫件事，就尷尷尬尬咁講「無野呀，我都開心既」同時摩天輪都到地「走啦」