行山遇到三條女(少甜): 失去篇3
可嵐:「去就去啦,請埋你都咁多野講」
之後佢就拉左我去路囗到,隨手就截左部的士。拖左我上車。
我:「嘩你咁有錢呀」
可嵐:「無時間啦,依架都成點鐘啦,海洋公園呀唔該司機」
司機:「收到」
望住的士個錶不停咁跳,我都忍唔住講「你好急咩,聽日先陪你去都得啦」
可嵐就遲疑左下「活在當下呀嘛,我鐘意今日去呀,真係多野問架你」
我就乖乖地無再出聲,望住出面既風景,但可嵐就好似個細佬女好興奮,狂咁拉住我講野。
過左半個鐘左右之後,就到左海洋公園,可嵐近車門位,所以佢就一野鼠咗出去「多謝浩然」再奸奸咁笑一笑。
我就想追出去「喂」
司機就講「靚仔俾錢啦快手啦,唔係要女仔俾呀」
我就係銀包攞左兩舊水出黎,今舖真係大出血啦。
出到去,我本來想話下佢,但係見佢天真爛漫既笑容,又話唔落手。
佢就拖起我隻手講「快啲啦,無時間啦」
我地好快手就搞掂哂啲手續,無旅客既海洋公園真係舒服,唔使排隊,又唔使同人迫。
我:「你有無諗住玩咩呀」
可嵐:「黎海洋公園梗係玩過山車啦」
其實我黎海洋公園真係得一兩次,就算黎過都係細個,根本無玩過過山車。我就唔知死咁同佢講「玩咪玩,玩十次都仲得呀」
我地就坐住纜車上去,睇下外面既風景咁,佢哋好好奇咁就圍爬黎爬去,係度睇。
我:「你有無黎過海洋公園架」
可嵐:「無呀,可嵐爸爸媽咪都唔會帶佢去玩既」
我:「oh,sorry呀」
可嵐就啤一啤我「你同可嵐講啦」
我就試探咁問一問「今日難得黎到一陣俾可嵐..」
佢就無理我繼續講「個海景好靚呀,唔知睇唔睇到中華白海豚呢」
我就無再執着,費事佢一陣發脾氣呀。「係喎」
可嵐:「黎呀,我見啲人都係喺纜車影相架,我地又黎返張呀」
我就自自然攞左部電話出黎。
可嵐:「俾我啦」佢就快速咁影左幾張,仲set埋做wallpaper。
我:「一陣芷晴佢哋見到點算呀」
可嵐:「淨係今日呀」
我:「唉,服左你呀,淨係今日咋」可嵐有種魔力真係令我咩都應承佢,除左.....