行山遇到三條女（少甜）: 失去篇9

雖然依度係我屋企，但係我都係乖乖地出左房，順便攞左啲衫俾佢。

佢好快就著好啲衫出番黎，佢既眼淚過左咁耐仲未停止，搞到我好似真係強姦左佢咁。

佢啤左我一眼，就回頭開門打算走。

我心感不妙，唔想俾人冤枉既我就拉住佢去梳化到。

佢就即刻甩開我隻手一臉鄙視咁望住我。



我:「你可唔可以聽我講呀」

佢就無應我，但係都無走到，其實咁冷淡既回應我大約都知件事係點啦，但係就真係解釋唔到點解會咁樣。「你係咪可嵐呀」

佢:「唔」

我:「姐係你唔係yeri呀嘛」

佢:「唔」相同既答案，但係佢既眼神就變左少少，可能佢都慢慢搵到事件既端倪。



我頭先就係太耐無見可嵐就唔記得左，同埋理解唔到Yeri俾返可嵐出黎既動機，所以就無諗到依個選項，同埋先無問到。

我就慢慢同佢導出尋日既事，當然就又修飾下啦。

可嵐:「你都對得芷晴住啦」

我:「係你色誘我咋」佢聽到之後，就面紅紅咁，明明唔係自己，但其實真係自己咁，佢內心應該都好奇怪糾結唔平衡，都係突然無左隻豬咁既感覺，佢就無回應我。

我就繼續問下「其實係點架你當日係診所」



可嵐聽完我頭先講之後，都有些少平靜左落黎，但係好似都係唔想對住我講咁，就對住面前既空氣講「我當日去左診所覆診，之後醫生同我講左啲野，話咩要解決我既人格問題，但我就一時心喐喐，半推半就咁應承左，之後時間就突然去到今日啦」

我:「哦~」

可嵐神色都係好暗淡咁同空氣講「無咩事，我返屋企先啦，以後唔好再見啦」果然隻豬對佢都係好大陰影。

但係我同時都聽到啲野「你唔係同朋友嘈交咩」

佢連同我講句野都唔想再講，就輕輕咁擰擰頭。就出左門口。

其實我仲有好多野想問，但係佢同我個關係實在太奇怪啦，佢又唔想講野，所以我都無再追住問佢。