行山遇到三條女（少甜）: 失去篇10

但依個就成為左我人生一大遺憾既事，因為然後也再沒有然後啦。

Yeri就係我生命中不知不覺間消失左，一開始既時候我都淨係知道可嵐遲左職。後尾芷晴就無意中同我講佢入左精神病院到治療人格，即係佢所講既人格融合。

我聽到既時候，個心好似被絞肉機絞住咁，好難受。一開始聽Yeri講被人殺，感覺好似好誇張咁，但係去到當事情真係發生既時候，係真係心如刀割。

融合其實就等同於永遠消失，Yeri依個人就永遠唔會再出現係我面前。

老土啲講就係失去了才懂得珍惜，真係短短幾日既相處已經令佢係我心中佔一席位，至少我地也有一剎那既愛。



離別或者傷痛，但係沒有道別既離別其實先係最痛。人總是悄悄地離開了。

留下既佢已經唔再係佢啦。想法既真相亦都永遠無人知道。

心中既痛令我眼淚水不自覺就標左出黎。

芷晴就攞左張紙巾俾我「浩然，你無野呀嘛」

我就攞左張紙巾抹左啲眼淚「唔該，無野啦」唔通同你講你條仔係多情種呀，播左種條女死撚左咩。



本來兩個人既回憶得返一個人。本來想問既野，想念，回憶，通通都俾我放左係閣樓到。

慢慢開始無人提起，我都漸漸遺忘，或者就係人類既特質。

又再回歸返平淡無奇既生活之中，不停咁打工同老細講下野咁又一日，同芷晴Irene都幸福咁生活，一齊返工放工。

有時忙裏偷閑，就去下行街行山睇戲食飯咁，平淡而充實咁就過完今個星期既工作日。

去到星期六。。。