行山遇到三條女（少甜）: 快樂時光篇1

今日難得放假，我就約左芷晴同Irene去行街街。光明正大咁拖住兩條女，仲要都係靚女，真係無女有女都羨慕妒忌恨呀。

Irene:「點呀，去邊呀」佢好奇待咁望住我。

我:「無呀，無plan行程呀」

芷晴:「吓，你講真架」

其實同佢哋一齊咁耐，我都未係太知拍拖可以去邊，佢哋又唔似啲港女一樣咁鐘意影相。



但係今日就都叫做計劃左去行下旺角「不如去行旺角呀」

Irene:「吓，唔好啦，不如我地今日宅係屋企算啦」佢再係佢個袋到攞左啲野出黎「你睇下我仲有部switch呀」

我就係唔知佢今日帶左個大啲既袋做咩，原來係裝switch。同埋啲女人真係奇怪，明明自己有答案，但係又要問我架喎「嘩，你有備而黎喎，你早講芷晴咪唔使落黎用多個囗罩囉。」

Irene:「隨便啦，快啲上芷晴屋企啦」

途中，芷晴又話想食打邊爐，所以我地就又去買左啲野食同埋少少酒啦，係Irene話十八歲想試下咋，我無迫佢架。



之後，我地就係度玩左陣overcook同just dance，果然打機都係最啱我。我地玩到不亦樂乎。

Irene:「快啲啦，飯就嚟燶喇」

我就即刻控制角色去送飯，但係係中途我就掉左落街到，同時廚房都起左火，最後就搞到又過唔到關。

Irene:「咁廢架浩然你，天都黑啦，我地食野啦」

我就攞左啲野食、酒同爐出黎。但係就咁食同飲就唔好玩啦



我:「你地有無睇微辣大排檔呀。」

芷晴:「有呀，我想玩好耐啦」

Irene:「有睇，但係你地係咪烚我唔識飲酒㗎」

我:「點會呢，我個樣咁好人」今晚就灌爆你。

Irene:「信住你先啦，快啲開始啦」