行山遇到三條女（少甜）: 原諒篇1

我上到去就拍拍門大叫「芷晴」，久久都無人回覆，我又再大力拍左幾下門。唔通芷晴出左去？

隔離屋啲鄰居都出哂黎，有啲就話「成點鐘啦，嘈到死，再嘈我打落去管理處投訴你呀。」有啲仲認得我講「又係你呀，點呀今次又衰咩呀，又係度嘈。」

我就醉住咁同佢哋講「唔好..意思呀，佢應該..好快出黎..啦」

鄰居:「醉左就唔好係度搞呢搞路」

我背後既門就突然開左，一路開就一路講「邊個呀」我就同時擰轉左塊面。



芷晴就開左橦鐵閘「浩然？」我就借住酒勁一把抱左落去迷迷糊糊咁講「芷..晴..」

鄰居:「芷晴你出黎啱啦，管下你男朋友啦，唔好成日搞到佢係度嘈啦」

芷晴:「唔好意思呀，我地入返去先啦」

啲鄰居就入返返去，我地都入返屋到。

芷晴:「你上黎做咩呀，又飲咁多酒既」同時就放左我係梳化到，佢就坐左係我隔離。



我:「唔好..意思呀..芷晴，我前幾...日咁樣對..你，我知錯..啦，你唔好...嬲啦」我就望一望芷晴既表情。

佢即刻面露笑容，但好快就抿一抿嘴唇又收起笑意「無喎，我都無嬲過」

我:「係囉，你大淫..有大量唔會嬲窩既，但唔開心..總有掛，我真閪...唔小心..架咋，我前幾日..想要啲時姦...平復下..架咋，對唔住呀」

芷晴就笑左出黎「都唔知你講咩，聽日再.....」

聽下聽下我就不勝酒力慢慢噠咗落梳化度瞓著咗。