行山遇到三條女(少甜): 重燃篇1
接下來既日子,我地都回歸平淡,一齊好開心咁生活,一齊返工、食飯、拍拖。一切都變返我地一開始既起點咁。
放榜嗰日,我攞住張成績表十分震驚,我竟有二十分,多得Irene幫我補課,我旅款竟然攞到5,但依份喜悅都已經無得同佢分享啦。
我都成功達到之前啲offer既指標,入讀左city既學士課程。不過都無咩好講,升上去之後所有野都好正常,啲女係幾靚既,不過都係無芷晴咁正。所有野都有齊哂既時候,無野做就唯有努力讀書啦。
我閒時就返去舖頭到幫下手,都叫搵下零用錢,芷晴就變左老闆佢哋個女咁,長居舖頭,老細同老闆娘亦都好照顧佢。
而我既記憶都慢慢消磨,忘記左啲野,或者係唔想再記起。
直到我到左Year2既時候,我一個朋友講「喂浩然,你知唔知依架有個exchange既計劃呢,可以去澳洲呀」
我:「吓,唔知喎」澳洲。。。
朋友:「GPA要3.2先得呀,你掂啦,上次仲同我講你3.5,我就淨係得2點幾,無得去啦」
我:「你借份野黎睇下」
佢就俾左份野我睇「我有野做呀,走先啦」
份野令我諗返起啲荒唐既事,原來已經成一年啦。雖然去到都未必見到佢,但係in下又無壞既。我就去左間interview room到。