行山遇到三條女（少甜）: 重燃篇2

到左之後，就見到都唔係話好多人，驟眼睇都係得六個人。

我就乖乖地咁坐低左，等佢叫我入去，無準備過啲咩，唔講笑，其實都幾緊張下。

無幾耐之後就到我入去，見到既就係一個慈祥既外國女教授。（以下內容已翻譯）

我:「早晨教授」

教授:「早晨呀，可唔可以俾你啲資料我睇呀，同埋做一做自我介紹呀」



我就做左下簡單既自我介紹，同埋用電話俾左啲資料佢睇。

教授都係好簡單咁同我講下野，大家都叫交談甚歡。突然教授就問我「點解你想去澳洲做交換生既」

本來可以講話體驗當地文化，擴闊社交圈子，豐富履歷嗰啲全部都無講到。最後竟然從囗講出既係「因為一個女仔」我自己講完都嚇左跳。

教授個樣就變到有啲疑惑又有啲興致咁「你可唔可以詳細咁講一講呀」

我就講左講我同Irene相識到離別既過程，不過就梗係有技巧咁無講到自己一腳踏兩船啦。



教授就好遺憾咁講「真係一個傷心既故事呀」

我:「所以我就想借依次機會去搵返佢」

教授:「但係你連佢住邊你都唔知喎」講出左個事實出黎，茫茫人海，咁大個澳洲點搵呀。

我:「雖然機會好渺茫，但係我會努力盡全力去搵到佢，唔俾我自己後悔」

教授:「真係一個痴情既男仔，你仲有無任何問題，無問題就走得啦。」



我:「無啦」

我就出左面試室到，先發覺自己標哂冷汗咁，緊張到呢。事後先又發覺自己既面試錯漏百出。又無答到關於課程既野，又無問到問題。

真係無希望就無失望，依架俾左機會我，但係又無珍惜到種感覺仲衰，漫長既等待日子裏面，真係十分煎熬。