晴。朗。: 8

終於來到了星期六。我一個人來到了公司樓下，等著Rachel的到來。

“喂！” Rachel的聲音從我背後傳出。

一身碎花連身裙，配上圓框眼鏡，嗚啊，愛上了。

“做乜眼甘甘咁望住我啊，人地怕醜㗎” 她害羞地說
“啊，唔好意思，上去啦”

星期六公司不會啟動中央空調，因此我們倆都汗流浹背。其實，我只是從旁指導，其餘時間我都是無所事事的。



“哎呀，伸個懶腰先” Rachel打著呵欠道
“咁就攰㗎，都唔知女人骨架係唔係用紙做” 我搖搖頭
“咩喎，咁你老手啊嘛，梗係覺得我慢㗎” 她不滿地抱怨
“好，咁我幫你咯，不過妳唔好同老闆講”

經過我的協助下，不消個多小時就已經完成工作，而時間已經是中午。

“不如一齊食晏啦” Rachel說 “公司附近開咗間韓國嘢好好食” 她續說



反正我下午無約，所以我便爽快答應她。

“好啊” 我說

我倆來到了那間韓國餐廳。雖然人很多，但是Rachel仍不忘在門外拍照，真是女人天性。

“有咩咁好影啊” 我說
“你唔明㗎喇” 她說

兩人點了兩個泡菜鍋飯，本應每人一個，Rachel卻把我碗裡的都偷走了。我望着她，期待著她的回應。



“啊，唔好意思啊，你食我嗰碗啦” 她搔搔頭
“唔緊要啦，我食唔食都得” 我尷尬地說

食完後，我倆一起走往巴士站。

“你下午有無嘢做啊？” Rachel問我
“無啊” 我說
“咁不如我哋去影相啦” Rachel雀躍地說
“吓？” 未待我回應，Rachel已經把我拉走了

Rachel竟然把我帶到了“大館”。然後，從袋裡拿出相機，說：“今日靠你喇，攝影師”
“包喺我身上” 我竟然自豪地說

Rachel天生那麼可愛，又懂得做適當的動作襯托環境，實在會讓人愛上她。不過，我卻好像不喜歡她……



“喂，一齊影吖” 一聲清脆的聲音打斷了我的思緒
“認真咩” 我問
“男友視角咋嘛，唔使露樣” 這使我更疑惑
“幫幫手啦” 她拉着我的手說
“好啦好啦，要做咩㗎” 我無奈地問
“得啦，你企喺度就得” 她說完後，就拿起我的手，在館內不停拍照。

“好喇，搞掂” 她說。這時，已經過了2個小時
“終於得喇？你影咗2個鐘喎小姐” 我沒好氣地道
“唔好意思咯，難得有個我信得過嘅男仔肯陪我”

我？她只是信任我嗎？正當我想得入神，天竟然下起大雨來。

“哎呀，避避雨先啦” 我倆連忙走到簷篷下


“哇，呢場雨最少落2個鐘，仲有雷暴” 我說
“哎呀你濕晒喇，不如去我屋企抹乾淨啦，我屋企喺附近咋” Rachel說
“吓？咁好似唔係幾好喎” 我說
“我 屋 企 無 人 喎” Rachel在我耳邊逐字輕輕呼氣，使我有種酥麻的感覺
“好啊好啊” 此時的我已經不是理智能夠控制的了

回Rachel的家時，我突然收到沈宜晴的信息。
“救我，我好驚” 19:30

此時我的心底響起兩把聲音。
“理得佢啫，有食唔食罪大惡極啊”
“快啲返去搵沈宜晴啦”

最後，我選擇了沈宜晴。



“對唔住我有啲急事，走先” 我連忙跑走

看見Rachel呆濟的樣子，我只好深感抱歉。隨手攔下一部的士，就往宜晴家去。

“師傅，XX花園吖” 我緊張地說
“後生仔，唔好一腳踏兩船啦” 司機出其不意地說
“……”
“頭先我乜都睇到晒喇，你肯定因為另一個女仔有事先即刻走啦”
“嗱，叔叔當年年少氣盛都試過咁，到最後就變咗宜家咁，一支公過世” 他嘆氣
“我可以點做啊？我真係揀唔到，我驚傷害到人” 我說
“咁肯定係痛苦㗎喇，但係忠於自己感覺最重要。拍拖終點係結婚，過一世㗎。如果唔想傷害到人，就決斷啲，唔好拖拖拉拉” 司機說
“多謝你啊，我知道要點做喇”
“見同你咁有緣，今程唔收你錢啦。記得多啲call我車，帶埋女朋友仔” 說罷他拿出卡片給我。
“一定會” 我說



下車後連忙冒雨跑進宜晴住的大廈。一到她的樓層，就看到門並沒有上鎖。
“仆街喇” 我心想，然後拿起雨傘，以防萬一。

小心翼翼打開門，周遭一片黑暗。我大叫：
“沈宜晴，係我李皓朗啊”
“轟隆轟隆” 雷聲突然響起
“啊啊啊啊啊啊啊！” 突然有一個人擁進我懷抱
“唔使驚我喺度啊” 我一邊安慰著宜晴，一邊打開燈
“哎呀，電制好似壞咗，睇嚟聽日先有電” 我說
“咕~~” 宜晴尷尬地笑了
“出去先啦，我煮個麵好快” 我說
“轟隆－轟隆” 雷聲再次響起，宜晴從後擁著我
“你咁樣我煮唔到麵㗎喎” 我無奈地說
“人地好驚啊嘛” 
“好好好” 我一邊煮麵一邊保護著她

“食得” 我端出兩碗麵，放在桌上

就是這樣，兩個人在黑暗中吃著麵。吃完後，氣氛再度變得尷尬。

“點解你唔去商場或者其他多人地方，咁咪聽唔到行雷” 我問
“今日我大姨媽嚟咗啊嘛，出唔到去”
“叫埋佢出去咪得咯” 我天真地說
“屌我M到啊” 宜晴不耐煩地說
“對唔住對唔住，小弟知識少” 我連忙道歉
“我不接受你嘅道歉” 她高傲地說
“咁我可以點呢小姐”
“陪我煲劇” 她拉着我到電視旁

她選擇了“逃避雖可恥但有用”。

“吓，你睇呢套劇？”
“唔得咩？”
“得，估唔到啫”

這套劇非常好看是事實，但是我沒有看也是事實，我只是緊緊盯著隔壁的沈宜晴小姐。一晚上竟然看了6集，才發現已經凌晨。

“我走喇，聽日見” 我轉頭打算離開的時候，雷聲再次響起
“轟隆轟隆”
“啊啊啊啊啊啊啊” 宜晴又從後擁著我
“我要走喇，聽日再搵妳啦” 我說
“你……今晚留喺度啦” 她害羞地說
“吓？咁樣唔係幾好喎” 我說
“我好驚啊” 她眼眨淚光地說
“咁好啦，我瞓梳化” 說罷我就跳上沙發上
“唔得，你要陪我” 沈宜晴把我拉進她房間

上次都沒有進她的房間，這次終於第一次進女生的房間。雖然環境黑暗，但是仍然隱隱約約約看到她和前度的合照和女性化的設計。

“你快啲瞓啦，你瞓咗我就出返去” 我說
“唔濟啊，你要講故事俾我聽” 她撒嬌
“唉好啦好啦” 我無奈地說
“有個男仔，被父母逼去相親。佢本身好想同真心相愛嘅女仔結婚，而唔係被逼嘅。所以佢諗到個方法，就係扮自己有女朋友。佢搵咗自己個好朋友幫手，點知……”

原來宜晴已經睡了。她那睡相真的十分惹人喜愛，差點把持不住我就吻下去了。不過我是正人君子來的，絕對不會這樣做。與此同時，我也睏了，於是也去沙發睡了……