晴。朗。: 7
第二天回到公司，老闆宣布請了一位實習生。
“大家好啊，我叫Rachel，係新嚟嘅實習生，大家多多指教”
“哇個實習生咁靚嘅，溝佢啦” 我的同事老王說
“係咩” 我仍然埋首於我的工作。
“朗，呢個新實習生你跟，記得好好教人” 老闆說
“收到。呢邊吖” 我帶着Rachel來到工作枱。
“你嘅主要工作就係將呢啲數據輸入電腦，同埋做啲會議記錄就得㗎喇” 我說
“唔該晒你啊，嚟緊呢3個月辛苦你喇” 她雙手合十
我一邊指導着她，一邊留意着她的外貌。她外貌上的確可以擊敗所有我見過的女生，連宜晴也是。
“做乜嘢啊？係唔係我臉上面有污糟嘢？” 她問
“哦…哦，頭先好似有，宜家俾風吹走咗” 我連忙說
“唔該晒” 配上一個甜笑，肯定能將全球男人通通收服。
一眨眼就已經午飯時間。正當大家準備動身吃飯去，Rachel走了過來，說：
“不如我哋2個自己食啦”
“吓？” 我問
“咁樣我哋2個之間可以有更深入嘅了解” 她露出了一個招牌微笑
“er，好啊” 我尷尬地應約
我倆來到了商場，在商舖顯示牌前。
“食乜好啊” 她問
“你今日第一日返工，食好啲啦” 我指着一間日本料理餐廳說
“好啊” 她說
入座後，我們開始閒聊起來。
“你有無女朋友㗎？” 她這條問題差點嗆到正在喝水的我
“無……無啊” 我尷尬地說
“咁啱嘅，我都無啊，我哋真係襯喇” 她雀躍地說
“你咁靚都無，咁我呢啲咪無地自容？” 我苦笑
“追我嗰啲都係因為我身材同外貌，而唔係真心愛我。我寧願要一個顏值低但真心愛我嘅” 她說
的確，以Rachel的條件確實能俘虜不少男人的芳心。擁有好身材及一個招牌笑容，讓人心都融化。不過，即使我多麼投入想了解她，總會有股力量牽制著我，究竟是什麼？正當我想得入神，一股溫暖的呵氣直通我腦部。
“嘢食嚟喇” Rachel小聲在我耳邊說，使我毛骨悚然。
“哦” 我還沒回過神來，Rachel已經不顧形象地狼吞虎嚥。
整頓飯我都不能專心，因為回想著之前的對話，不會是Rachel喜歡我吧。可是，我對她的感覺是什麼？我對宜晴的感覺又是如何？
“哎喲！倒瀉水添” Rachel說，我連忙望過去
白色恤衫完全透出美好的身段，看得我目不轉睛。
“快啲攞紙巾嚟啦” 她說
“哦” 我連忙拿出紙巾，並脫下西裝外套遮蓋Rachel濕透的部分。
吃完飯回到公司，繼續工作。突然，老闆叫我進去他的房間。
“朗，你同我個女好似相處得幾好喎” 他說
“都係嘅，朋友啫” 我說
“我個女自從遇到你之後，啲駕駛技術好咗好多喎” 老闆不懷好意地笑
“因為我同你個女進行咗地獄式訓練” 我自豪地說
“知你勁喇，佢就嚟生日，上嚟一齊食餐飯啦”
“吓？” 我問
“得啦，怕咩啫。遲早你哋都係一對㗎啦” 老闆暗笑
我尷尬地離開老闆的房間。Rachel見狀便問我：“俾人鬧啊？”
“無嘢啊” 我輕輕帶過
“哎呀，原來已經6點。我仲係好多嘢未識做啊” Rachel徬徨地說
“唔緊要啦慢慢嚟” 我輕鬆地說
“不如星期六返嚟，你慢慢教我啦” 她建議道
“er，咁好似唔係幾好喎” 其實是我懶而已
“我都唔介意，，求下你啦” 她眨一眨水汪汪的眼睛
“好啦，星期六10點公司等”
放工後，收到沈宜晴和家裡傳過來的信訊息。
阿媽：“阿仔你好耐無返嚟食飯，星期日必須返嚟食飯，同埋一定要帶個女朋友返嚟” 15:35
細佬：“咪係，26歲都無女朋友🤭” 16:01
我：“你好好咩？😒” 18:04
老豆：“我唔理你，星期日帶唔到女朋友過嚟，你唔使旨意入屋😃” 18:20
唉，煩死了。然後去看沈宜晴的信息
宜晴：“星期六去我屋企陪我吖❤❤❤” 15:03
“係唔係公司好忙啊” 15:50
“記得準時食飯啊” 17:45
我：“星期六唔得啊，要同新嗰個實習生返公司做嘢” 18:08
宜晴：“吓，唔濟啊，你要陪我”
我靈機一觸，想到一個好建議。
我：“我星期日全日陪你，但係有條件” 18:13
宜晴：“咩條件” 18:14
我：“做我一日女朋友” 18:14
宜晴相隔30分鐘才答覆我，應該是太吃驚。
宜晴：“好啊，星期日嚟接我” 18:46
－－－－－－－－－－
朗：“我星期日全日陪你，但係有條件” 18:13
我：“咩條件” 18:14
朗：“做我一日女朋友” 18:14
我太吃驚了。第一時間尖叫起來，在床上滾來滾去。李皓朗要我做她一日女朋友！！！我連忙到衣櫥襯出最佳套裝，拿出一直不捨得用的面膜，讓自己的形象變得更好
我：“好啊，星期日嚟接我” 18:46
不過，話說過來原來公司來了個實習生，問一下老爸吧。
“老豆，你公司請咗個實習生？” 我問
“係啊，我叫咗阿朗跟佢”
“男定女啊”
“女嚟，做乜啫，你驚阿朗俾人溝走咗？” 老爸暗笑
“無啊，我哋朋友嚟啫，問下啫”
“我相信你嘅，應該贏到嗰個實習生” 老爸拍拍我肩膀。
－－－－－－－－－
回到家裡，解決煩惱的好方法就是好好洗個澡。不知為何，我有點期待週末的到來，因為可以和2位女生獨處。我總是覺得Rachel和宜晴都是同一類人，但是宜晴比較內斂一些。Rachel高貴大方，而且笑容親切；宜晴文靜內斂，但是給與人一種相處舒服的感覺。究竟我喜歡誰？也許她們不喜歡我就是了。