《足印》-從幼稚園開始，對你的心意原來一直是愛情-: 26
「哈哈哈哈~」阿柔一邊大笑著、一邊坐在我旁邊問：「諗咩諗到發晒呆咁樣啊你？」
「諗緊點解你可以咁靚女囉~」我也作弄一下阿柔好了。
「哎呀呀，整蠱我！？」阿柔笑著的捏住我的臉頰，「講唔講！？」
「投降投降~我講喇~」我指著上方，說：「我睇緊呢片夜空啊，你都睇下啊，星閃閃，好靚啊呢。」
「嘩…我啱啱都冇留意到添…」阿柔看得出神，就像剛剛發著呆的我一樣。
「好靚啊…如果我仲係成日留喺屋企，就錯過晒呢啲景色喇…」我抬頭看著星空，說：「多得你叫我嘗試改變咋。」
阿柔大概是沒想到我會這樣說，呆了一呆不懂反應。
「如果你冇叫我改變，我而家可能仲喺屋企打緊機呢，哈哈。」我笑說：「阿柔，多謝你啊。」
阿柔先是甜笑一下，隨即搭著我肩膀，說：「唔使多謝~我都只不過係提出意見架啫，都要你自己肯聽先得架。」
「嘗試作出改變之後，人生好似真係充實咗咁呢。」我向阿柔舉起大拇指說。
「係架！唔好淨係成日留喺屋企，」阿柔則是直接把大拇指貼在我的臉頰上，「多啲睇下個世界，你會發現好多新事物架~」
「知道喇。瞓未啊你，聽日要早起身喎。」
「準備架喇，你睇下我都攞住牙刷同水杯準備過對面洗手台刷牙架喇~」我低頭看看，果見阿柔拿著一套梳洗用具，「啱啱見到你發緊呆諗住嚟嚇下你個傻佬咋嘛~」
「傻妹，」我輕輕對阿柔頭頂用上一式手刀，「等埋我，我都去刷牙。」
我和阿柔從馬路對面的洗手台梳洗過後，便慢慢的走回營地，看到其餘四人正在玩著撲克牌。
「咦，阿天阿柔，你哋瞓喇？」阿峰看到我們拿著梳洗物品回來便問道。
「係啊…」我打著呵欠的說：「瞓先喇我，有啲眼瞓。」
「好，我哋玩得細聲啲。」阿揚舉著OK的手勢說。
「詩詩彤彤！我瞓先喇~你哋都唔好咁夜瞓啊！」
「知喇柔柔，早抖~」「早抖柔柔~」
「天仔！」阿柔叫住準備踏入帳篷的我，甜笑著說：「早抖！」
「你都係啊，早抖。」我微笑的回應。
身處鄉郊地區，由於周圍只有另外九個營地的人，加上在營外的四人都縮小了音量，環境十分寧靜舒適、耳根清淨。我也很快便成功的閉目入眠。
「天仔啊…你有冇聽過戒指嘅故事啊？」
「嗯…？戒指嘅故事？咩嚟架柔柔…」
「呵呵，等我話你知啦！所謂戒指嘅故事呢，係指男仔為女仔親自戴上嘅四隻戒指啊！」
「喔…不過啊，點解係四隻嘅…？」
「嘻嘻嘻，你有所不知喇~呢四隻戒指都有各自嘅意思架！」
「嘩…咁分別係咩意思啊？」
「嗱，好好記住喇！四隻戒指嘅意思呢，分別就係追」
「鈴鈴鈴鈴鈴…」…到早上了。
「哈，又會夢見咁耐之前都有。」我一邊拍停手機鬧鐘、一邊小聲的自言自語。
我小動作的慢慢移動，盡量避免吵醒一旁熟睡的阿揚阿峰二人，終於走出帳篷後，才用力的伸了個懶腰。
「呵…」我一邊打著一個長長的呵欠、一邊看著仍未亮起來的天色。不過這也是很正常的吧，不管怎樣說，太陽都還沒升起來呢。
「嗯…」我瞧向聲音的來源，原來是剛剛從帳篷走出來的阿柔，一臉睡眼惺忪的正在揉著眼睛。
「阿柔早晨。」我把阿柔的梳洗用具遞向她。
「天仔早晨！」阿柔雙手捏住我的臉頰，「估唔到喎~仲早過我起身~」
「都係啱啱出嚟冇耐啫~攞住，去刷牙咯。」我笑說。
「好~行咯！」阿柔說罷便一彈一跳的向前走，「幫我攞埋過去啊~唔該晒！」
哈哈，真是的。
晨早的梳洗過後，我和阿柔兩人便一起向沙灘方向走。由於天色依然暗淡無光，加上這裏沒有設置很多的路燈，我們都一步一步的、小心翼翼的向前走。
「哎唷…！」阿柔應該是絆到了一塊小石頭，不過我馬上在旁邊扶著她，使阿柔免於跌倒。
「小心啲呀嘛，傻妹。」我輕彈一下阿柔的額。
「哎呀呀…黑媽媽睇唔清楚嘛…」阿柔邊說著邊捏住我的臉頰，「又笑我！」
「拖住啦，」我向阿柔伸出右手，「我仆親嘅話，你都要扶實我啊。」
「呵呵，你又幾man架喎！」阿柔一邊甜笑著、一邊牽起我的手。
「哈哈，都話過淨係會對你一個咁~」我笑了笑，說：「如果係其他女仔我就唔會咁樣架喇~」
「哎呀呀~天仔，乜我好特別架咩？」阿柔把頭伸到我面前說。
「特別特別~」我戳了一戳阿柔臉頰，「仲係獨一無二添~」
雖然天色仍然暗淡，我依然透過微弱的路燈看到阿柔的臉頰變得紅紅的。
「哎呀呀…又口花花氹人開心嘅…」阿柔捏住我的臉說。
「唔係口花花架，」我也輕輕捏住阿柔的臉還擊，「真心話嚟架。」
「呵呵，咁你揹我去海邊啊！」阿柔甜笑著的問：「得唔得先？」
「又得，」我背向阿柔，半跪在她面前笑說：「上嚟啦。」
「好耶！」阿柔說著便輕輕的彈跳上來，用手指指著前方的說：「出發！」
「係~」我苦笑一聲，便背著阿柔慢慢踱步到海邊。
我們走到海邊的時候，發現沙灘已經坐著了八個人，當中有兩對牽著手的情侶還有一家四口，應該是和我們一樣故意早起來觀賞日出的人。