不意外的意外: 別說話

雖然我到今日都解釋唔到，點解我唔趁佢宿醉未醒之際執佢一劑屍，但無可否認，有女神伏喺我身上訓著，呢種充滿暖意嘅窩心，對我嚟講已經足夠。
自細毫無女性緣嘅我，能夠得到女神眷顧獲得一夜歡愉，都應該可以無憾地迎接我嘅魔法師證書。
我唔知時間點解可以咁撚快，喺酒店厚重嘅窗簾透出咗一度不受歡迎嘅光。

「天光嚕。」我自言自語。
然後唔知咩時候，到我恰著咗。

……

矇矓間，我聽到廁所有一把女聲邊哼邊唱：


https://www.youtube.com/watch?v=jqVN4DWV99E
「學會了怎樣放開你的手  還給你最愛的自由

從來可以為你分憂  有過太多的選手」
哼哼吓哼到一半，把聲停咗。
然後我feel 到佢應該知道我訓醒咗，突然走出廳望。
我當刻做咗一件好白痴嘅事：就係好似韓劇裡面果啲怕醜女咁，扮訓。
之後佢喺廳繼續梳頭、著衫，然後若無其事咁唱埋首歌嘅中段：
「未能為愛擦出火花
到臨別這一刻請你 別說話 別說話



別破壞這刻優雅 臨走你別說一聲好嘛 你也不必怕
「請你 別說話 別說話 別再度回頭又凝望這一剎 

如撕開的碎花
「以後無論有多驚怕 世事無論有多可怕
你亦能面對不必害怕 

」
無諗過呢首歌出自佢口，會成為咗一首事．後．歌。


我當然明白佢意思。知道佢著好衫就會走，亦知道佢走咗之後唔會再見，但我真係唔想面對離別，更加唔想賴死為大家留下一個唔好嘅結尾，哪怕我哋只係認識咗一晚都好。

佢可以咩都唔交低就走，但佢選擇留低呢首歌俾我，當係對我呢位不黯世事嘅死毒撚留低一絲憐憫。
我望住喺枱頭嘅電話，見到Lock screen上music list 嘅果首《別說話》，望住呢間空蕩蕩嘅酒店房，發現自己已經無話可說。