不意外的意外: 你不要想不開

今日星期六。

我去到酒店大堂，酒店職員話間房已經有人事先check out咗，我還返張門咭俾佢就可以。
如常咁行去附近茶記食飯，點一個平常到再唔平常嘅常餐，沙牛麵多士煎蛋火……腿。

原來女人對腳係咁嘅味。

咁初吻嘅質感呢？好難形容。吖，係有啲似食三文魚魚生。唔怪得花之戀咁多人食，無怪乎呢卷嘢會咁受歡迎。
食完我就開始漫無目的咁喺條街度亂走亂逛，嘗試淡忘呢段比霧水情緣更一頭霧水嘅……



一晚。
唔得，我成個腦都係佢。
隔咗大半日，我終於鼓起勇氣 pm 「陽剛毒男」。

「hi」16:05 sent.

正當我都打定輸數果陣。
「hi」16:06.

甚麼，秒回！


「我想再同你見面」我再回佢。

「u up mud9? i never seen u b4!」16:07.
未見過？無理由！明明係呢個號碼！

「你係『陽剛毒男』嘛！明明琴晚我哋相認咗！」

我打俾佢。

都係秒有人聽，而且係一把符合返佢網名、講嘢無尾音嘅男聲。


我咩都唔理就約咗佢出嚟見面。
「喂，Peace 搵你上床？咪撚玩啦！」陽剛毒男一手拎薯條一手拎可樂，「come on！你是咪FF 到上撚咗腦呀？」
無錯。呢個場景就係我琴晚 expect 嘅畫面——兩條麻甩佬高談闊論。而喺我面前正正就係個會指住我嚟瘋狂恥笑，但比我更加肥柒毒、名符其實嘅「陽剛毒男」。
「喂唔係喎，要唔要同你走轉香檳呀。」陽剛毒男隨即遞張卡片俾我。

「唉唔係玩呀。琴晚的確係呢個number 打俾我！」我堅持。

「嗱無。」陽剛毒男show晒啲通話紀錄同對話我睇，又的確無。

「咁係乜撚嘢事呀！」我只顧發自己脾氣，開始懷疑自己係咪思覺失調。

「唔好再諗佢啦。」陽剛毒男用佢隻啱啱掂完薯條嘅肥手搭我膊頭度，「既然都出開嚟，同你過機舖打返兩舖seed 啦。」

「我唔打啦，今日無心情。下次。」我動身就走。



「喂！」陽剛毒男喺後面大聲講咗一句，「你點都要學識放低，就算你想唔想都好！」
我無望返轉頭。比著係平時嘅我，點都會應酬式陪吓網友吹足兩三個鐘頭水，或者喺機舖坐到關門，但今次。
我打開手機，開咗一個新嘅 playlist，裡面全部都放晒同一個歌手嘅歌。
一把好熟悉嘅聲音喺耳邊響起……



其中有一首歌。我聽咗一次之後決定 set 佢做「單首重複」。
https://www.youtube.com/watch?v=eXRsEk9d6GQ
其實最近連閒聊都沒有

你有絕跡的自由

如響起寂寞前奏



今晚應該喝過酒
令你渾忘殘餘的內疚

有了自私的念頭

怎麼能承受

忐忑於這路口
不足以被佔有

無下文的逗留

一刻因怕冷而顫抖

我又被情拉走


這意外 不意外

多切合 你給我的傷害

酒喝盡 再一次要分開

不意外 應該
被你視為凌晨的伴侶

慣了自尊都拔除

癡心而無懼

換到不潔汗水
改天你未喝醉



我可以忍著淚

修葺這片愛情廢墟

你卻突然別去
這意外 不意外

多切合 你給我的傷害

酒喝盡 你心怯才避開

是你一早知道我們有的 通通不算愛
這意外 不可愛

只種下 一次一次的傷害

天透亮 我想你才活該

明白嗎 這意外 不算光彩

不算光彩

這意外不意外這意外不意外

已經喺我腦海裡面響起過一百萬次。
我好掛住妳。

Peace.

星期日我喺屋企訓咗一日。我唔想起身。
之後日日如是都返工放工，返到屋企就倒頭大睡，唔想再諗關於佢以外嘅嘢。
陪住我嘅就係呢首歌。
我任由佢嘅聲線引導我鼓勵我媚惑我，每一次我都俾佢嘅歌聲激勵、感動，但我卻係走唔到出去。
縱使記憶、質感經已日漸模糊，不過我仍然記得呢一晚係確實存在過。
喺果日之後，陽剛毒男反而會成日摟我出嚟打機，感覺佢係既想有人陪亦會擔心我太消沉諗埋一邊。比著以前嘅我，會好欣然接受呢份好意，就算無乜興致都好都會陪個朋友打吓機坐足幾個鐘。但今日嘅我真係唔想。
我只係想日日夜夜浸沉喺 Peace 甜美嘅歌聲下。


唔知過咗五定六個禮拜，我每日機械式嘅生活開始令我麻木起嚟……

開始同自己講果晚嘅事係無發生過。
直至我收到一個突如其來嘅電話。