《我喺連「興趣」都冇嘅極權國家生活咗廿年，直到遇見妳》: 第七十三章

雖然我明白到之前的生活是難以得到的，如果我不是沒有心儀對像，是不可能有接近一個月的空白期，但我對於明天開始要正式投入工作一事還是有點失落，即使我知道我應該要為此自豪。於是，我便與銀欣傾訴。
「老婆，我聽日就要番工，唔知點解有啲唔開心。」
「咁每個人都要番工，除非你係局長夫人，可以好似我咁，乜都唔駛做。」
「但係你都知啦，之後我七日都要做野，根本就連休息嘅時間都冇，只係有啲失落啫。」
「但係洛國人乜唔係個個都好想做局長咩？你唔係應該可以為國家出一分力而覺得好開心咩？」
「都係嘅。」
「定係你覺得自己快樂重要過國家嘅興盛？」
「你點可以講埋呢啲咁大逆不道嘅說話架。」
「我哋係夫婦，有啲咩係唔講得喎。你咁樣講得，啫係你覺得自己快樂都好緊要啦。」
這刻的我很想反駁他，但我完全說不出話來，因為銀欣就好像說中了我心裏所想的話一樣。




銀欣見到我的沉默，便繼續說道。
「你唔答啫係默認啦。不如你諗下一直以黎點解你咁想做局長？」
「因為可以為國家出一分力囉。」
我不加思索就答出了這個答案，因為由小到大，老師和父母都是這樣跟我們說的，已經慢慢變為一個標準答案。