不過,銀欣顯然不滿意我的答案,繼續咄咄逼人。
「乜真係咁咩?如果係,你岩岩就唔會思考左咁耐都冇答案。你想做局長,係咪只係由細到大,個個都話自己想做局長,你嘅爸爸媽媽都想你做局長,然後每日嘅報紙同埋書本內容都只會講洛國有幾美好,同時呼籲所有市民要為洛國出一分力,所以你先會有咁嘅諗法,我有冇講錯?」
「唔知呀,唔知呀,我好亂呀。」
銀欣見到我情緒開始失控,她上前攬著我。我感受到她的温暖,同時也有她的關懷,令我感受到,從今以後,無論發生甚麼事,她都會在我的身邊一起面對。
「老公,我知我講嘅呢番說話你一直都冇諗過,所以你依家會好亂,同埋情緒唔係幾穩定,但我好希望你冷靜落黎個陣思考下我講嘅野,然後比個答案我。」
「好。」
過了一會,我心情也開始平伏,就去洗澡睡覺,迎接明天局長的生活。
不過,我躺在床上久久未能入睡,不是因為多了銀欣這個枕邊人,而是因為我一直在思考銀欣剛才跟我說的話。
銀欣說的話確實不無道理,由小到大,我們都被報紙、電視、老師和家人一直鼓吹當局長,為國家出一分力。可是,他們的做法也沒有錯,因為這樣才可以令國家強大。雖然這段時間不用工作是頗高興的,但終歸有能之士當局長是作為洛國人的義務,所以我不能完全同時銀欣的說法。