《我喺連「興趣」都冇嘅極權國家生活咗廿年，直到遇見妳》: 一百四十一章

「老公，飲杯﹗」
「飲杯﹗」
我們乾了第一杯酒。我感覺到喉嚨有點灼熱，但這種感覺挺新奇的，我對此不太抗拒。
「老婆，所以係咪無論點，你都會返去洛國完成你嘅使命？」
「係。」
「我想問你哋係幾時開始有呢個諗法？」
「都好似好耐啦，你睇下自由會都咁耐歷史啦。」
「係囉，其實咁多年都唔成功，你返去都應該唔會成功啦，你番去洛國有咩意思啫？金國呢邊嘅生活好咁多，不如留係度啦。」
「唔得，我唔可以做壞規矩，有我呢個第一人，之後就會有更嘅人好似我咁。明明辛辛苦苦做到局長夫人，到頭黎乜都冇做到，仲要話捱唔住所以返黎金國，我唔想咁樣呀。」
同一時間，我看見銀欣一直喝那頩燒酒，為了跟上她的速度，我也一直喝。




「咁我同你一齊番去啦。」
「但係我就話有使命在身，你絕對可以過黎金國過更好嘅生活。」
「都冇你，咁又有咩意思喎。」
「老公，你平時都唔會講呢啲說話，有小小怕醜。」
「係咩？」
我開始感受到全身發熱，而且我的視力好像跟平常有點不同。
「睇黎你半枝燒酒都應該飲唔到。」
「飲啫，有咩問題？」
我再想拿起杯子，但被銀欣阻止。
「唔準再飲啦你。」




「你相信我，我會陪你一齊番去洛國，同埋幫你手一齊完成使命，令你名留千古…」