《我喺連「興趣」都冇嘅極權國家生活咗廿年，直到遇見妳》: 第一百四十三章

正當我還在苦惱著如何令銀欣重拾笑容，銀欣的臉色變了。
她突然開懷大笑，我完全不知道發生甚麼事情，她是瘋了嗎？
「仲玩你唔到？」
「啫係我琴晚有激嬲你？」
「冇呀，我玩下你啫。」
「你嚇死我啦，仲諗緊點算。」
「我見到呀，有個傻佬坐在係我對面，又真係幾好玩。」
「好衰囉。」
「下次唔會。你琴晚唔單止冇整嬲我，仲攪到我感動喊。」
「我做左啲咩？」




「秘密，唔講得。」
「我係當事人喎。」
「咁你記得左就冇架啦。」
門被打開了，管家捧著兩個鍋和兩碗白飯進來。
「老公，呢個叫排骨解酒湯，你飲完會舒服啲。」
「望落去咁似琴日嗰個嫰豆腐湯嘅？係入面啲料有小小唔同。」
「個顏色有啲似，不過味唔同。」
我喝了一口，味道還不錯。
我們吃過午飯後，我也好像沒有早上起來這麼頭痛了。
「老婆，咁今日有乜做？」




「我諗住帶你去樂天市場，買好多好多零食同埋飲品番屋企。因為依家你都知道晒啦，咁我哋屋企可以有金國嘅嘢啦。」
「啫係買檸七同埋燒酒？零食又係咩？」
「檸七就唔買得，要涷先好飲，我哋屋企冇雪櫃，啫係冇令佢變涷嘅電器，我會買燒酒同埋甜米露。至於零食，啫係都係食物嘅一種，但你任何時間都可以拎出食，唔駛煮嘅。」
「咁好似幾好喎，有時肚餓都可以食。」
「冇錯，同埋我有時都會好想食，你食左都可能會愛上佢。」
「可能會，呢度啲野食真係好食好多。」