［真人真事改篇］《有一種鍾意，係我鍾意你鍾意我。》/《初戀1000天》: 第九章

第九章

「今次考試會直接影響你地來年嘅分班同選科，想繼續留係精英班，揀到你地想讀嘅科，就要努力啲考好今次試。」班主任Miss Yip對着全班說。

春來秋去，時間一晃來到了六月——考試的季節。每到這個時候，都會有兩種人：一種是為着能提早放學，可以回家打機而高興的，另一種則是為了溫習而忙得焦頭爛額的。依個性來看，很明顯地，James是前者，Jessie則是後者。

本來他們河水不犯井水，你打你的機，我溫我的習，可這次不一樣。

「你開始溫書未？」從前這句總是由Jonathan對Jessie說，今天Jessie竟變成說這句話的人。



「好問題，⋯⋯都算開始咗嘅。」James支支吾吾道。

下學期開始了不久，從來以不變應萬變、怕麻煩的Miss Yip竟然主動提出調位，並讓上學期考第一的Jessie率先選位置。

不知是心有靈犀，還是緣份，James和Jessie竟在對方不知情下，剛巧選了對方旁邊的座位，成為了彼此的鄰座，經常眉來眼去的，漸漸的，不僅是同學，連老師都知道他們在一起了，心中泛起同一個疑問：Jessie為甚麼會和James在一起，而不是和Jonathan呢？

當發現Jonathan與Jessie他們日漸疏遠，人們好像都找到了答案。

「咁你溫咗啲咩？」



「um……電腦。」James露出他的招牌笑容說。

「姐係未啦。」Jessie反了James一個白眼，「今日放學，跟我去自修室啦。」

「吓，唔好啦。」Jessie的話讓James的腦海浮現自修室的書卷味，嘔心得快要吐出來。

「反正你返到去都係打機。」Jessie理所當然地說，「跟我同埋Andy、Chloe佢地一齊去溫書啦。」

很明顯這是一句命令句，而James還是垂死掙扎道：「唔好啦，你地三個去好啲嘅，我去咪盞阻住晒。」



「唔得，如果我地下年仲想同一班，你就要考好今次個試。」

你放過我啦⋯⋯James心想，卻找不到拒絕的理由，無奈地嘆了口氣。


放學後，一行四人來到學校的圖書館，在登記表上填上自己的名字後，便進去了裏面的自修室。

自修室的空間並不大，分別在房間的左邊和右邊各放了三張長桌，每張長桌的兩端各放了兩桌膠椅。雖然座位不多，可也從未爆滿過，因為在這學校會讀書的人根本就不多。

而在這無人問津的自修室，他們竟遇到了正在努力溫習的Jonathan和Ivan。

「咦，你竟然會係到嘅？唔洗趕住返屋企咩？」Chloe看着坐在房間角落那張桌子的Jonathan問道。

由於這時使用自修室沒有其他人，Chloe直接便對着Jonathan喊了出來。
「Ivan話未黎過，我咪陪佢黎下，你地呢？」Jonathan問道。



「借問聲黎自修室除咗溫書仲可以做咩呢？」Andy拉開椅子說。

「問下姐。」Jonathan笑着說，看上去不再是之前那副頹喪的模樣。

「你溫到邊？溫咗後日就考嘅Chem未？」Chloe問道。

「溫咗啦，你呢？」

「你唔係覺得我開始咗溫書呀嘛？」Chloe反問道。

若按勤力程度來排名的話，Jonathan和Jessie絕對是第一，而從不會主動拿起書的Chloe則和James差不多，能成功包攬最後兩名。

「咁你加油。」Jonathan微笑道。



明明當初和Jonathan最熟稔的是Jessie，可今天他們看見對方後，竟一句話都沒有說過，像陌路人似的。

就這樣Jessie他們坐了在Jonathan旁邊那張桌子，剛好Jessie和James坐的位置在Jonathan和Ivan的對面，隔着Andy和Chloe的頭，能看到對方的一舉一動。

剛從書包拿出溫習的材料不久，James才剛開始翻開Chem的筆記，眼皮便開始變得沉重，不消一會，更已宣告淪陷。

「喂，唔好訓啦。」Jessie見狀朝正打瞌睡的James的手臂輕拍了幾下。

然而，James還是沒有醒來，再過幾秒，他的雙皮還是緊閉着，唯獨嘴唇漸漸嘟了起來向Jessie索吻。

「溫書啦你。」Jessie甜笑地看着James說。

「好嘔心呀你地，黃牌！」Andy拿起黃色的Memo貼說。

「你唔抵得人地咁Sweet呀？」Chloe替Jessie反擊道。



「唔玩啦，快啲起身溫書。」Jessie沒好氣地看着James。

撒嬌攻略不行，James只好努力睜開眼睛，拿起鉛芯筆，正式開始抄寫Jessie借給他的筆記。

既然James借了她的筆記，Jessie只好拿別的科目來溫習，猶豫了一會，最後決定先做一下英文的Reading卷。

然而。當她看到第一題的選項中，竟有三個都是她不會的字，便開始後悔了。

「喂，你識唔識依啲字？」Jessie朝旁邊昨James問，而過了一會James也沒有反應，Jessie這才抬起頭看James，發現他竟抄寫到一半也能睡着。

有無咁攰呀？Jessie心想，伴隨而來的是無奈和失望。

「喂，你識唔識依幾隻字點解？」Jessie轉而向英文底子不俗的Andy求救。



「A我知，係抑鬱，C同D就⋯⋯Miss講過架，好熟口就面，但⋯⋯我唔記得咗，哈哈！」Andy尷尬地說。

「咁點算呀？唔止依題，我後面幾題都有字唔識，咁唔洗做啦。」看着與她糾纏了快十分鐘的字詞，Jessie變得煩躁起來。

「問Jonathan囉，佢英文最叻架啦，人肉字典黎架嘛。」Andy提議道。
問唔問佢好呢？Jessie糾結起來。

自從Jonathan毫無預兆地疏遠他們後，Jessie其實有點生氣，氣他怎麼突然去找Ivan他們玩，拋下相識多時的他們，卻沒想過自己才是最先拋棄對方的那個。

「做咩仲坐係到發呆？快啲去問Jonathan啦，再唔係問Ivan囉，佢兩個英文都好好架。」Andy說。

係喎，可以問Ivan，Jessie心想，拿起Reading去了找Ivan。

「er……我唔識喎，Jonathan你知唔知依隻字點解？」Ivan把Jessie的Reading遞到Jonathan面前。

「依個係焦慮，着急咁解，之前咪解過好多次比你聽，咁都唔記得。」Jonathan對Jessie搖搖頭說。

「咁我英文廢呀嘛。」

「第三題嗰隻字，你都應該唔識啦？」這麼多年來，Jessie有甚麼不懂的英文生字，都會第一時間找Jonathan，像智能手機，用久了它便能算出你的日常生活習慣一樣，每次收到英文功課或試卷，Jonathan已能猜到Jessie有哪些題不會做了。

「咁係點解呀？」Jessie問道。

「不如你坐我個位啦。」Ivan站了起來，拿起書本和筆，坐了在另一張椅子，把Jonathan旁的座位讓了給Jessie。

Jessie卻有點猶豫。

「坐啦。」再次聽到Ivan的話，Jessie才終於坐了下來。

「拿，其實你就算唔識依隻字都可以解到依句嘅⋯⋯」Jonathan竟耐心教授地Jessie作答技巧來，Jessie也認真地聆聽他的話，就像回到了還未有James的時候。

這時，坐在一隅的James醒來了，抬頭便看見Jessie正坐在Jonathan的旁邊，專心地聽Jonathan說話。

看見這樣的畫面，James內心有種打翻了七味瓶的感覺，像回到他們還未在一起時，每當他回過頭偷看Jessie時所看到的畫面。雖然現在和Jessie在一起的是他，但一種不安的感覺卻油然而生。

「哇，James你竟然會黎自修室溫書？」突然一拍聲音喚醒了James，抬頭一看，竟是Miss Lui。

「點解你會係到架？」James錯愕地問道，沒想過竟在這也能遇到Miss Lui。

「你唔好理。點呀，溫到邊？」

「佢呀？佢黎咗咁耐就訓咗咁耐。」Andy說。

「唉，真係唔明點解Jessie會同你一齊，你睇你，唉⋯⋯你學下Jessie同Jonathan啦，無眼睇你呀真係。」說畢，Miss Lui在自修室的書架上拿了幾本雜誌後，便離開了自修室。

本來心情已不太好的James聽到這句話後，像是被激勵了似的，竟拿起筆記真地抄寫起筆記來。


經過一段悠長的暑假，他們終於升上了中四。經過Jessie每天放學後，都揳而不捨地把James抓去圖書館，加上沒日沒夜的嘮叨後，James終於如願地升上精英班。然而，精英班卻有兩班，而James正正就是分到了沒有Jessie的那班。

Jessie還為此鬱悶了整個暑假，因為不僅James，連Andy和Jonathan也分到了那班，只剩Jessie孤身一人進了這班沒有朋友的精英班，這班還是她最討厭的英文老師做班主任。

「唔好唔開心啦，我可以小息黎搵你架嘛。」James對還在鬱鬱不歡的Jessie安慰道。

不願進入課室的Jessie故意在樓梯間放慢腳步來走，結果竟走了五分鐘還未走到課室。

「係咪架？」Jessie懷疑道。

「真架，我應承你，每個小息都黎你課室搵你。」

「勾手指尾呀。」Jessie把她的尾指遞到James面前。

成個小朋友咁，James心想，還是乖乖地遞出他的尾指，勾着Jessie的尾指，再用彼此的姆指蓋了個章。

「喂，Lemon佢地話不如星期六一齊join學校個BBQ，你去唔去？」剛巧路經的K哥朝James問道。

「仲有邊個？」

「好似仲有同你同班嘅Kelly、Hannah、Ben⋯⋯嗰啲，你黎唔黎？」

「呃⋯⋯我遲啲覆你得唔得？」

「快啲喎，就Deadline。」

「OK。」

「咁熱你地仲行得咁慢，我行先啦下。」說罷，K哥便三步拼兩步地消失在二人眼前。

「我去唔去好？」James問道。

「唔得，唔比去。」Jessie嚴肅地說。

「吓，點解？」

「講笑咋，你想去咪去囉。」

「有女仔喎？」

「所以呢？」Jessie反問道。

「你唔介意，唔擔心咩？」James竟有點希望Jessie會介意，彷彿這樣能彰顯他在她心中的價值。

「點解我要擔心？」

「萬一有其他女仔愛上我咁點算？」

「哈，」聽到這句，Jessie捧腹大笑起來，說：「哪來的自信呀吳生？笑死人咩？」

「笑笑笑，萬一真係有呢？」

「我可以點？你鍾意嘅，咪同佢一齊囉，只要同我講聲，我OK架喎，我會笑住咁祝福你地。」Jessie認真地說。

「哇，咁大方？」

「咁唔鍾意就係唔鍾意架啦，有咩辦法姐？我都無預過我地會永遠一齊，有過美好嘅回憶咪夠囉，死纏爛打咪仲難睇。」

James驚訝Jessie面對他們之間的愛情竟能如此坦然，坦然得他開始懷疑她是不是真的喜歡自己，卻不知那是因為Jessie還未意識到自己已漸漸習慣有James的世界。

而當她發現的時候，已經太遲了。


「Jessie，有人黎搵你呀。」班上的男生朝Jessie大喊道。

「喔，我黎啦。」Jessie連忙在功課上寫上最後一個字，匆匆走到課室門前。

「你掛住做功課得架啦，唔洗理我啦。」James故作不高興地說。

「明明你前兩日都無黎搵我，仲好意思話我？」Jessie說。

剛開學的時候，James確實還會堅持每天、每一個小息都來找她，可隨着日子漸漸過去，他來找Jessie的次數逐漸減少了，而他卻不自覺。

「係咪有咩誤會呀？最多我請你食糖啦。」James從褲袋掏出一堆檸檬味的二寶糖來，是Jessie最喜歡的味道。

「哇，咁多檸檬味嘅？」

「我買咗幾筒，特登食晒你最唔鍾意嘅橙味，留返啲檸檬味比你架，係咪好好？」

「算你啦。」Jessie打開了一顆二寶糖來吃，甜甜的檸檬味在口腔洋溢，頓時忘記剛才的抱怨。

「係啦，我今日放學要去Re-quiz，同唔到你一齊走啦。」

「吓，又Re-quiz，你最近成日都要Re-quiz嘅，今個星期已經三日無同過我一齊放學啦，啲Quiz真係有咁難咩？成日都要re-quiz⋯⋯」Jessie突然覺得再多的二寶糖也不足以補償她。

她實在想不懂，那不過是幾道再簡單不過的數學題，James怎麼可以每次都不合格？

「我都唔想架，係佢次次未教就測，鬼識做咩？」James無奈地說。

「咁你可以預習架嘛。」只要失敗過一次，Jessie便會馬上找方法改進，不容許自己有第二次失敗的機會，所以她不可能明白James的想法。

「未過教喎，點會識？擺明係佢教法有問題啦。」

「你覺得有問題嘅，咁你努力啲升上第一組囉。」

中、英文都是分班授課，唯獨數學科會把兩班精英班拆成三班來上，而Jessie所在的組別是成績最好的第一組，James則是不上不下的第二組，偏偏這一組由Miss Yeung任教。

「我跌落第三組會快啲囉。」

「你可唔可以有返啲上進心？」

「我講嘅係事實，我根本無可能升上第一組。」

類似的說話在Jessie要James考上精英班的時候也聽過，但他最後還是成功考上了精英班。Jessie以為自此以後，他就會改變他想法，沒想到他還是這樣。

她還是未能改變他。

「懶得理你，我返去做功課。」Jessie以為James會挽留她，沒想到James卻說：「好啦，拜拜。」然後頭也不回地走了。

有無搞錯？回到座位上，Jessie竟生起悶氣來。


「請問你知唔知藍樂同學走咗未？」門口突然出現一位穿着白色衣服，拿着一張點名紙的年輕女士。

下課後不久，同學已走了，課室獨剩手腳慢的Jessie還在執拾書包。

「藍樂？我咪係藍樂囉，你搵我？」Jessie疑惑地回應道。

「太好啦，你仲係到。我叫Queenie呀，你報咗個活動，今日係簡介會嘅日子，你係咪唔記得咗呀？」Queenie溫柔地說。

Jessie像失憶的金魚，努力搜索失蹤的記憶。

「啊，係喎，係今日咩？」Jessie驚訝地問道。

「係啊，開始咗啦，你快啲落黎啦，係102室。」

「喔，你等我陣呀。」Jessie連忙背起背包，跟着Queenie跑。


來到102室，簡介會早已開始，當大家都快被講者催眠時，Jessie的進來才稍為喚醒了他們快蓋上的眼皮。

「同學，遲到要坐第一排呀，快啲坐低啦。」Jessie本想坐在最後那排，好讓她可以安心睡覺，可那位講者卻指了個第一排的位置給她，她只好硬着頭皮走過去。

眼見Jessie終於安頓好了，講者才繼續說：「啱啱講到我地依個Programme每個月都會有活動，而最近嗰個係今個月尾舉行嘅2日1夜露營，仲有唔到三個禮拜姐，係為咗Build up你地嘅Team spirit嘅，所以個Camp⋯⋯」

吓，要入Camp架？Jessie心想，看太多恐怖故事的她對哪些渡假營沒有好感，總覺得那些地方真會有些甚麼可怕事情發生。

「好耐無見過你，你都Join咗依個Programme呀？」Jessie這才發現，旁邊的人是久違的Jonathan。

唔係我係到做咩？Jessie心想，回答道：「係呀，咁啱嘅。」

「佢啱啱話要分組，不如我地一組呀？」

Jonathan很久都沒主動和Jessie說過話了，久得她都快忘了他們曾經是最要好的，無所不談的好朋友。

看了看四周，沒有一張臉孔是Jessie熟悉的，只好回應道：「喔，好呀。」

「係呢，你有無去過露營？」

「無喎。」Jessie絕對是個話題終結者，每句說話都只有幾個字，還都是句號收結。

「我都未，聽佢講好似要咩好多野，又要孭帳幕、睡袋嗰啲，仲要帶埋煲啦，⋯⋯」Jonathan滔滔不絕地說着。

Jessie突然覺得眼前的Jonathan好像有點不一樣，但又說不出有哪些不同，但她還是高興，這位曾經的好友終於重新和她說話了，那種感覺就像回到從前，他們還是彼此的鄰座的時候。