［真人真事改篇］《有一種鍾意，係我鍾意你鍾意我。》/《初戀1000天》: 第十一章下 「但願我可以沒成長 完全憑直覺覓對象 模糊地迷戀你一場 就當風雨下潮漲」 〈有心人〉

https://www.youtube.com/watch?v=zElyLgkJK7c
第十一章中
「哇，Deborah竟然約到Jonathan去溜冰，Jonathan係咪盲撚咗？」K哥看着手機上的Instagram說。

「Jonathan不知幾開心。」Hannah說。

「佢笑容明明好勉強，邊到開心？」K哥驚訝地問道。



「你睇下Jonathan IG。」Hannah把手機遞到K哥面前，照片裏除了Jonathan和Ivan，還有Jessie。

「難怪你今日咁得閒上我到唔洗陪Jessie啦，佢仲要剩係PO同Jessie嘅相，Deborah實嬲到癲咗。」K哥沒留意到James看到照片後，臉色都變了。

客廳的燈光突然被關上，還未來得及反應，Lemon已捧着插了蠟燭的蛋糕，從廚房走出來，其他人也跟着他唱起生日歌來，「Happy Birthday to you. Happy Birthday to you. Happy Birthday to Kelly Happy Birthday to you.」

「希望大家開開心心，下年仲可以繼續同我慶祝生日，然後⋯⋯希望你依兩個毒撚可以快啲出Pool。」Kelly雙手合十，閉上眼睛，再默念了一個願望後，便把蠟燭吹滅了。

「你就毒撚，係我揀唔拍拖，唔係我無拖拍OK？」K哥反駁道。



「黎，快啲切蛋糕。」Lemon把膠刀遞到Kelly手上。

當Kelly小心翼翼地切蛋糕，深怕自己會切到底之際，K哥連忙把她的手按下去，成功把蛋糕一刀切到底，還故作可惜地說：「死啦，嫁唔出啦今次，做咩咁唔小心呀，Kelly姐？」

「死仔包呀，」Kelly徒手抓起一團忌廉抹到K哥的臉上，說：「死緊啦你！」

當K哥也挖了一團忌廉準備反擊時，眼鏡早已被Kelly抹得白皚皚一片，無法看清眼前事物，只能憑感覺反擊，竟把忌廉都抹到Lemon身上。

「咩料呀？」Lemon的臉頓時白得像日本歌妓，連眼睫毛都是滿滿的忌廉。



「唔係呀，咁睇落靚仔啲，你⋯⋯」Hannah還未說完，便被Lemon抹了一臉的忌廉。

「你咁睇落都靚女好多。」Lemon笑着說，還不忘把忌廉抹到坐在沙發上發呆的James身上，續說：「你唔係以為唔出聲就可以無事呀嘛？」

「咪係！」說罷，K哥也把滿手的忌廉使勁地抹到James的臉上。

眼見James沒有反應，Hannah也拿了一大團忌廉抹到James的頭髮上，說：「襯晒你，愁緒三千呀。」

「你地係咪覺得咁樣整黎整去好好玩呀？」James突然站起來大喊道。

那兇惡的樣子嚇得大家都屏住了呼吸，像犯下了滔天大罪後，被人人贜並獲似的不知所措。

Err…係咪玩大咗？K哥嘗試用眼神向Lemon發問。

佢平日無咁唔玩得架喎，Lemon用眼神回覆。



就在這個緊張得氣氛都要凝固，大家都默不作聲的時候，James突然開口說：「死緊啦你地。」

然後衝到Lemon面前，把他整個頭按進蛋糕裏。

「屌，比你嚇撚死呀仆街！」K哥左手從後箍着James的頸項，右手不忘把自己臉上的忌廉分點給James。

「妖，你啲面油溝埋啲Cream，好撚核突呀你！」James摸了摸自己臉上的忌廉，嫌棄地說。

「台灣人叫忌廉做奶油，我塊面嗰啲又係油，大家都係油，何必分咁細？」說罷，K哥把Lemon臉上的忌廉都抹到James臉上，然後馬上落荒而逃，氣得James追着K哥喊道：「你夠膽就咪走！」

徹夜歡騰至凌晨三時多，抵不住睡意的Hannah想要離開，可好勝的Kelly雙手還緊握PS4的控制器不願放下，一心要破了K哥的記錄才離開。

「你破唔到架啦，同我走啦，好眼訓呀大佬。」Hannah說。



「就快啦，等我陣，真係玩埋今次！」

「你講咗好多次『今次』啦，走啦。」Hannah累得眼睛都快瞇成一條線了。

眼見Kelly沒反應，Hannah只好放棄了，說：「唉，唔等你啦，我自己行先啦。」

「吓，你一個人好危險架喎。」

「唔危險嘅，佢個樣生得咁安全。」口賤的K哥說道，雙眼緊盯着電視屏幕裏的遊戲角色，絲毫沒察覺Hannah正瞪着自己。

抵你一世A0，James搖搖頭心想。

「一係我送你啦，我都有啲攰，想返去。」James說道。

「好喎，咁我就可以安心係到打機啦。」Kelly高興地說道。



「之前去Lemon到，又唔見你送我返去？」K哥問道。

「咁你負責送囉。」James說。

「OKOK，好行唔送。」K哥說。直至James和Hannah都離開了，他的視線仍舊沒離開過電視屏幕。


來到小巴站，一個人也沒有，小巴大概剛走，要好一段時間才有下一班車，百無聊櫃的二人便慣性地拿起手機，打開Facebook、Instagram之類的社交平台來看。

滑着滑着，James竟滑到Hannah的前度和一位女生的合照。

「你個Ex有新女喎。」James說。

「所以呢？同我咩事？」Hannah頭也不抬地繼續看手機，完全沒被James的話影響，彷彿他所說的一切都與自己無關。



「你唔會唔開心咩？佢咁快就有新女朋友。」

「有幾出奇？佢同我一齊嘅時候，都係啱啱同個Ex散咗無耐。」Hannah輕描淡寫道，彷彿說的不是自己的事。

「咁樣無縫接軌，你OK架啦？」

「你呢咁？你見到Jessie同Jonathan去溜冰，你唔會唔開心咩？」倒是這條問題讓Hannah抬起了頭，看着James問道。

女人的直覺告訴她，James剛才的憤怒並非全然偽裝、只為嚇他們的，他是真的生氣了，只是氣的對象並非他們。

而是Jessie。

「佢鍾意點咪點囉。」聽到Jonathan這名字，James的語氣都變了。

「好有醋意喎。」

「無呀。」

「其實你有無問過Jessie點解鍾意你？明明有個咁好嘅Jonathan係身邊，點解仲要同你一齊？」

點解要同我一齊？James的腦海不斷回播Hannah句話。

確實，她從沒回答過他那天為甚麼會突然提議要和他在一起，也沒親口對他說過一句「我愛你」，或是主動牽他的手、吻過他，她甚至會刻意避開他的吻⋯⋯

她真的喜歡他嗎？James不確定，尤其是當對手是Jonathan這種勁敵。

恰巧這時小巴來了，打斷了二人的對話。

「我架車黎啦，拜拜。」Hannah從書包掏出八達通，踏上小巴。

當她以為James要離開的時候，他竟跟着她跳上了小巴，坐在她身旁，問道：「點先知一個人係咪真係鍾意你？」