每日一鳩: 消失的屋

身邊總會有個朋友成日吹水。

中學嘅時候有個朋友D都會成日帶我同其他同學上佢屋企打FIFA。

有日佢就同我地講：

「喂，我屋企人想買樓，尋日同老豆去咗睇樓。哇屌吖，間屋入面有lift。」

又有日我同幾個朋友路過一個屋苑講起幾好幾好嘅時候，





佢又話：

「我都有住呢到wor。」

一場嚟到當然想去坐下，打下機啦。點知佢又話：

「其實都冇咩特別吖，上返我平時到啦。」

當然朋友D話到，就順佢意啦。





呢位朋友口中有幾間屋企都未有機會見識過都覺得有小小可惜。

畢業後呢幾年，我同幾個朋友都會留意呢位朋友D個instagram嘅story同post咁，
内容大概都係，影住屋企嘅唔同位講下經咁。



最後我地一致發覺......



















On9啊，根本就都係同一間舊屋。
 




（話曬都去咗咁多年，就憑小小綫索就已經拼凑到一幅大圖。）