每日一鳩: 神探Galileo

又繼續講下中學回憶啦。

大熱天時郁一郁都周身汗啊，都咪話唔辛苦啊。

大家中學校服係白色嘅話，相信都會好明白一出汗就成件衫透曬又有汗積啦。

長久落去件白色校服都變灰，變黃。

去到呢個地步就只有買過件校服或者慳家啲嘅就唯有用漂白水浸下佢啦。





重點就嚟啦

有一日上堂，前面個同學伸懶腰，咁都好正常姐。

咁我都不以為然啦。

突然，上緊堂嘅啊sir停低唔教書，就對住我前面個同學話：

「你翻去得閑嘅話就買過件校服啦。」





聽到啊sir咁講就奇怪吖，今朝望佢件校服冇穿冇爛吖，做咩無端端要換過套呢。

突然，遠處個同學望住我前面伸緊懶腰嘅同學大嗌：





















「咖喱啊！」


喺呢個moment，我已經按耐唔住我嘅好奇心，走出位兜去前面望下個同學究竟發生咩事。





正所謂好奇害死貓，

我眼中見到嘅係喺兩邊格肋底嘅位置有兩大噠金黃色咖喱咁嘅污積...

從此以後，由於呢為同學個名其中有個略字，

就有咗神探咖喱略嘅稱號喇。

（如果呢位同學見到嘅話，要留意身體，因爲我上網睇到黃汗都可能係身體有問題。）