(短故）《二月十四號嗰日，我收到一份情人節禮物》: 36. (完）
「啊，原來你同你男朋友......定我應該點叫佢？」Mandy聽畢我說整個故事後，露出恍然大悟的樣子。
「無所謂啦，反正都已經過去。」我從容地道。
「其實我都幾好奇，你都做完手術大半年喇，點解會要求返嚟覆診見輔導嘅？」
「因為呢個秘密，同你講完之後，我就會收埋喺個心一世。」我微笑著。
「頭先都聽到你好愛佢啊，到而家你仲掛唔掛住佢？」Mandy直接問。
「話掛住，又稱唔上；不過會留喺心入面。」
「如果佢搵返你，話自己後悔呢？」她又再追問。
「哈哈，無咩可能喇。」
「凡事都有可能嘅，畢竟你哋之間經歷咗咁多。」她很樂觀地分析。
「唔喇。」我搖搖頭。
「就算佢話想同你拍拖，你都唔考慮？」
我點點點。
「因為我而家追求嘅，係細水長流嘅愛情。」