【青春純愛+靈異】收音機裡的情人: 第二十章：表白

「如果一個等 如何有這種犯錯的勇敢 唯有你企得很近 向夢想出發的忠粉」

縱使你做人渾渾噩噩似的，至少你仍有光陰，仍有機會去追夢。

「你或許比我信任 做我的我便吸引高高低低翻滾有你用光陰鑲嵌 你人生的齒輪 開啓我摩打發奮」

你的存在，令我的存在重新變得有意義。我可以教你讀書，陪你聊天，聆聽你的心事。是你成就了我。

「與你遇上的一秒何其重要 足可更改我宇宙有多少」



我還記得你這個傻子甫聽到我的求救時以爲自己聽見幻覺了呢。

「下半生改寫了令記憶精彩了 如失去你顯得我弱小」

死後仍然能有新生活的感覺是無比的幸福，只是......你終須有一日要離開我，在現實生活中尋覓你的愛人.......

收音機的表面再次潮濕起來，而我也哽咽得沒法唱下去，只好道出最後一句歌詞。

「我什麼都不是 只不過小小陪襯 奇妙的生命多得你跨出腳印」



若果人類在宇宙中是一顆微塵，那我應該就會是連微塵都不如的一顆粒子罷。

若然不是你主動接觸我，與我熟絡，也許我就不會與你經歷這麼多。

短短一個月可能只是你生命的一小部分，但對我已是整個人生。謝謝您。

一股白光涌向我體內，迫使我睜開眼。

回到先前的房間內，大師正在認真的看着我，只是他眼眶也有點紅。



「呀謙，呀謙喺邊度呀？我想搵佢！」我緊張的四處張望。

「得喇，我叫佢入嚟。你係咪想同佢單獨講嘢？喺嘅我就行開一陣。」

「好啊，唔該。」只見拿着我的人變成了呀謙，而他好像也有一絲欣慰。

「啱啱大師同你講咗啲乜嘢呀？」他語氣溫柔，語氣像是要哄回小孩子般幼稚。

「你唔使扮低能氹我喇。我唔想成日阻住你。」我深吸一口氣，勉強保持冷酷的語氣。

「你做咩啫？忽然間講呢啲嘢都有嘅？我都係想幫你咋！」

「多謝你嘅幫忙，用咗咁多錢去放我出嚟，呢份恩惠我真係還唔到。」

「所以完事之後，我就會遠走高飛，唔會再去搵你，又或者永遠地消失。」



「作爲一隻鬼，我唔想介入凡人嘅生活。」

 「你今日點解講嘅嘢咁唔同㗎！喂！大師！你對佢做咗啲咩嚟呀！」他發狂般喊叫，把怨氣遷怒於大師身上。

「我乜都冇做過呀！佢宜家同你講分手呀？咁係佢自己嘅決定嚟啫。」大師毫不意外的應對，就像真的有把世事看穿的能力。

「點解喎！你明明就好想人陪，宜家又話要自己一個！」

「咁啫係你而家陪我係施捨我喇話？我都係爲你好，唔阻住你生活咋！」我裝作高傲地說出反話。

「乜你覺得我係啲咁嘅人嚟㗎？我係真心想同你一齊啫！咁都唔比？」他語氣漸趨憂愁。

「乜你唔記得你同芊彤嘅事喇咩？我同你都係兩個世界嘅人嚟㗎，根本就唔應該識！我都係想趁你未墮得太深就儘早離開你，等你唔好咁傷心咋！」說畢，淚水又開始在眼眶裡打轉了。



「咁你覺得宜家我唔傷心？點解做個朋友都可以咁難呀！」

「因爲......我鍾意你！我想你過得好！」雖然這並不是一個表白的好時刻，但我還是在這關鍵時刻揭下自己的底牌了。
​​​​​​​他愣在原地，看似不知道如何反應。滿滿的後悔有如蛔蟲般在心裏移動，痛恨自己爲何不知好歹，選在這個時刻，這個階段表白。

 「其實......我都有啲鍾意妳......」他一臉靦腆的看着我，而爭拗就在這微妙的氣氛內完結。

 「咁.......咁.......我都唔想你咁委屈㗎嘛！我都想你過得開心！唔想妳再困喺收音機到，可以重獲自由！想做咩就做咩！」他說畢便跑出單位了。

 「誒......昕昕，你宜家留喺度冷靜下，我宜家出去搵呀謙先。冷靜完之後，我想你諗吓自己有啲咩願望係想實現嘅。」他打圓場之餘還不忘爲我們解決問題。

 -------

我強忍着淚水，便跑到大廈走廊的一角冷靜下來。



 爲何自己竟然有膽量在她面前說出心底話？ 

但是，爲何我們一表白就要面對如此的難關？ 

我只是想在她身邊陪她而已。爲何她要把事情變得複雜化？ 

又或者，我該怎樣做，才能令她真正地快樂？ 

種種的問題糾纏着我，使得人喘不過氣來。 

「喂！呀謙！有無事呀！不如落去食個飯啦！」大師此時卻表現輕鬆的在說。 

「咁昕昕呢？」

 「你哋兩個需要啲時間冷靜，分開下。我已經比咗啲嘢佢做，佢唔會悶㗎喇。」



 「但......我唔肚餓喎.......」事情發展到如此地步，我怎會有心情進食。

 「唔緊要啦，就當係傾下計，冷靜下啦，反正我有重要嘢要喺昕昕唔係到先可以同你講。」他一臉認真的說。