廟街有殭屍（已在各大書局上架）: 第四十章

在這期間，南門蔚終於把點心都吃光，但她似是仍未滿足。
 
「我哋而家係咪去掃街？」她問。
 
「吓⋯⋯」
 
我們直掃大街的大魚蛋、炸雪糕、芒果糯米池等等，由街頭掃到街尾，她方叫有些滿足，不過由於時間關係我們沒有去吃炸雞，她好似有點失望。
 
「妳個胃⋯⋯」我說。
 




「未食過，要試下嘛。」她說。
 
「估唔到呢個女人都可以咁大食。」AV仁說。
 
買了手抓餅，我們漫步在東堤海灘，一邊欣賞海景一邊吃手抓餅，味道有點特別，可能是咸牛油果的關係，有些三文魚的味道，挺好吃的。
 
天有不測之風雲，此時污雲蔽天，風勢甚大，吹得灘邊的招牌左搖右擺，格格而響。
 
只見剛才在茶樓的那兩個人，拿著一大袋東西，躡手躡腳地轉入內街，行跡有點鬼崇。
 




「你哋喺度等等，我有嘢做。」我對他們說。
 
我上前跟蹤他們，尾隨其後來到內街的一間小屋，是舊式建築的居屋。
 
窗口雖下了窗簾，但能從一破口探望內面，只見屋內漆黑一片，他們正打開什麼，好似是食物之類。
 
「喂⋯⋯咪咁大動作！」
 
屋內兩個人正竊竊私語。
 




「食啦。」
 
「唔通雞肉佢唔食？」
 
「咁咩先食？生牛肉唔食、羊唔食，豬又唔食⋯⋯」
 
「喂！唔好太近⋯⋯」
 
忽然有人拍打我的背部，嚇得我連忙轉身，正是AV仁和南門蔚。
 
「你喺度偷偷摸摸做咩？」AV仁問。
 
「你都覺得佢哋有古怪？」南門蔚似是一早知道。
 
「妳都知？」




 
「喺茶樓已經覺得有古怪。」
 
「原來妳有留意佢哋？」
 
「你以為我真係掛住食？」
 
「咁妳啲戲都幾好。」我續說：「佢哋而家喺入面唔知做緊啲咩？」
 
「點都好，一定唔方係好嘢。」她說。
 
「你哋講緊咩？點解我完全唔知？」
 
屋內忽然一聲慘叫聲，有男人大叫：「啊！我隻手呀！」
 




我們破門而入，只見一個女人呆愣，另一個人倒在血泊上，面容扭曲，右手緊握著左手，左手只餘一截。
 
那另一半斷掌正在第三個人口中，牠全身被一條粗大鐵鍊綁著，嘴巴有咬住兩隻手指，不斷嘴嚼。
 
是白殭。