阿軒上洗手間的時候,姐姐跟我說:「大個女喇,唔同我講你拍緊拖!」

「唔知點開口啊嘛~」我難為情地抓抓頭。

「我先唔信,不過見到你搵到幸福真係開心過自己拍拖。」

「都係你咋,我至會有佢呢個白馬王子做男朋友~」我變得更加害羞地說。

「哇,我都唔知你有咁鍾意佢,咁要好好珍惜喇~」



「咁鍾意佢?」我暗地再問自己一次。

我突然覺得很難回應,只好轉移話題:「咁Richard係咪日日探你啊?」

「係啊,其實我都無怪過佢。」姐姐用嫌棄的語氣說:「佢自己都整親手啦,係要每日煲粥俾我,話醫院啲嘢食無味,仲應承我以後努力儲錢,唔再亂咁管住我,係至好~」

看到姐姐臉上都藏不住笑容,我得意洋洋地說:「估唔到我哋兩姊妹都因為今次件事有咁大轉變啵~睇嚟你要獎下我喇~」

姐姐傻笑地拍打我的頭:「『掌』你就有份!!」



「夠啦喎,好好玩?我個頭好痛啊!」我裝生氣忍笑著說。

我突然想起那一晚,我也用過同樣語氣說過一樣的話。

是在那間我不會再踏足的房間......

沒關係,我和姐姐本就有個溫馨的小房間,明天終於可以一同回去了。