求神畀我出一次Pool，點知畀埋個偶像男朋友我: 70

「叮」

「Hey 最近點啊～」

在找餐廳的路途上，阿軒叫我原地等他一陣子，我突然收到這個訊息。

又是這個神出鬼沒的BU。

我要和他說有男朋友了嗎？



他會為我高興嗎？

既然歌迷會為偶像找到幸福而高興，那偶像也會嗎？

他可說過我是他最投契的歌迷呢！

「我出Pool喇～～」反覆思考後，我還是決定說了出來。

「哦。」他卻冷淡地回應。



為什麼他會這樣？

「你做咩唔係祝福我？」我直言。

「sor，做唔出。」

「唔明，又m到？」我說出只有我們才懂的暗號：m到。

最後他只是莫名其妙地下線了。



真無聊！

「女朋友，睇咩咁入神啊？」阿軒突然搭著我肩膀說。

「無啊，無聊嘢。」我馬上收好手機，繼續和他找餐廳。

「sor，做唔出。」

這句無聊的說話卻縈繞我一整天。

到底他為什麼不祝福我呢？

「女朋友！！」阿軒突然大聲喊我，我馬上定過神來。

「叫咗你幾次都唔應人㗎～」



「sorry啊發夢添。」

「傻妹，送俾你㗎～兩星期快樂！」

那是我嚷著想要的愛蜜莉雅Figure！

「你點解咁好㗎？？？？」我忍不住親了阿軒的臉頰。

「因為你係我公主囉～」

連我自己都捨不得買，他卻為我準備好了。

我把愛蜜莉雅徹底地欣賞一陣子後便收好在手袋。



「食咩啊？墨汁帶子意粉？」我們來到聖誕節去過的西餐廳，他指著餐牌問。

我想起那天和他吃同一款又乾又貴的意粉。

「唔喇，我想食卡邦尼意粉！」

「係咩，原來我咁唔了解你。」阿軒有點撒嬌道。

「想試下其他啊嘛～」我隨意編了一個藉口。

「咁我又跟你啫～」

很快，侍應遞上兩盤賣相吸引的卡邦尼意粉。

「哇，溫泉蛋同煙肉嘅配搭果然係天衣無縫！」我吃得津津有味。



「傻妹，你成個食家咁嘅。」

「啲啲啫，其實我上次都想揀呢個㗎喇，嗰時陳浩賢仲引誘我地，勁唔忿氣囉！」

「係咩？」阿軒疑惑地看我。

「係啊！最衰都係個陳浩賢，都唔知點解我哋識著啲咁嘅人。」我口裡罵著他，卻不自覺微笑。

「唔知陳浩賢知道我地一齊有咩反應呢？」我隨心續道。

阿軒突然嚴肅看著我的眼睛說：「不如以後唔好提佢？」

頭一次看到他對我鄒眉頭的樣子，我有點不安。



「哦好啊……」