一路來到加藤屋吃午飯的時候,我覺得很奇怪,仔細想了一想,明明據我了解,陳浩賢都不玩電玩,怎麼會因為輸了遊戲而不開心呢?

不過為了不讓他們知道我和他的熟絡程度,我還是沒有把話說開。

我還是不要想太多了。

「係呢~你都幾有taste,買咗BU隻簽名碟啵~」我隨口向Richard說。

「下,我無買啵~」



「無咩?」明明陳浩賢告訴我宿舍那隻光碟是Richard買的。

「哦,我諗起喇。Hall個櫃好似擺咗隻。既然阿軒今晚喺我哋Hall煮,一陣睇下喇。」

「你哋Hall???」我這時才聯想起阿軒的Hall即是Richard的Hall,也即是……

那是我說過不會踏足的地方呢。

「不過陳浩賢就無食神lu,佢話今晚要飛。」



「飛去邊?」我裝著滿不在乎地問。

姐姐這時餵了Richard一口牛肉,他害羞得馬上吃掉。

看著他們低調放閃的樣子,我又突然有點唏噓,但願阿軒在我身旁就好了。

剛好阿軒傳來一張買菜的照片,看來他很用心準備今晚的大餐呢。

「啊,係呢,BU首新歌你有無聽啊?我覺得俾佢鍾意嘅人好幸福啊~」姐姐向我提起我最不想提的事。



我只有笑了一笑便低著頭默默地吃飯。

「乜你而家唔夠幸福咩?」Richard在旁撒嬌道。

「最幸福係我啦,不過我都羨慕有人為自己作首咁正嘅歌囉~」姐姐也跟著撒嬌。

「超~」Richard吃醋說:「人地作個啲全部都係sad歌,我同你個啲只會sweet~」

「咩啵,今次聽落輕鬆好多啵,有好sad咩?」姐姐不明所以問。

Richard放下筷子,認真地探討歌詞,說:「我同意首歌個比喻係唔錯嘅,將對方形容為不顧一切嘅『飛蛾』,撲向人又驚佢,佢又驚人嘅『火』。咁有隻伴隨著花香嘅『飛蛾』陪伴,『火』自然覺得唔再寂寞,更加一廂情願幻想『飛蛾』係抱著焚身嘅決心,可以同佢一齊奔向死亡,成件事聽落係好浪漫。但事實上,飛蛾本性就係鍾意光,『火』始終會慢慢熄滅,『飛蛾』一日未死,自然走去撲其他火。你話sad唔sad喇?」

沒想過,Richard居然可以完美地演繹了《飛蛾》這首歌,我突然有點羨慕姐姐有著能理解BU心理的男朋友,而不像圍繞我那兩個只懂叫我自己詮釋和感受的阿軒和陳浩賢!

「BB,你點解咁叻嘅?無諗過原來呢首歌係表達咁多嘢~~」小鳥依人的姐姐再次喂Richard喝可樂。



「你BB我就緊係叻啦~我個朵係X大周杰倫,無歌我解唔到!」

我擺出一副作嘔的樣子,心想她真是讚錯人。

「周杰倫好似唔係打鼓同彈bass㗎啵~」姐姐看著椅子上的bass,撥他冷水笑說。

「哼~不過,聽講人地寫俾個女fans㗎~」Richard一說完,馬上扒了一大口飯給自己。

「下?你點知?」我忍不住開口,不再沉默不語。

「我吹水咋嘛~」

「超~」我和姐姐再次喝倒彩。