求神畀我出一次Pool，點知畀埋個偶像男朋友我: 79

「你哋返嚟喇？」一打開房門，便見到阿軒剛捧著香噴噴的千層麵端到桌上。

「哇，好香啊～」姐姐和Richard異口同聲地讚嘆。

房間沒有了上次那股男人味。

「女朋友，入嚟坐啦～」阿軒牽著我的手，拉我到巨型熊娃娃旁的床邊坐下。

同樣的房間不再是兩人獨處欣賞音樂的天地，而是姐姐、Richard、阿軒和我這兩對情侶的聚會場地，交雜著歡笑和吵鬧聲，還有啤酒瓶碰撞的聲音。



吃過大餐後，我們坐在地上邊喝酒邊玩Richard提議的真心話大冒險。

我們一致決定由長輩，即是姐姐，先開始遊戲，而姐姐今次也沒有怨言，馬上便把空酒瓶放在地上轉動。

空酒瓶慢慢地轉動，轉到Richard面前停下。

「哈，Richard，第一個就轉到你啵～揀咩啊？」我看著酒瓶嘻笑著他說。

「真心話。」Richard不假思索。



姐姐想了一想，便凝重地問：「如果嗰日手術失敗，我個樣爛曬，你仲會唔會好似而家咁愛我？」

「我要你諗清諗楚先答。」姐姐強調了要真心話。

Richard猶豫了一會，然後堅定地對著姐姐答：「就算你個樣變成馬蹄露咁，把聲成個葉劉，只要你一日係你，我都會咁愛你！！」

「哇！！！！」我和阿軒馬上拿起酒杯向Richard敬了一杯，可想而知他的答案顯示出他有多情深似海。

「哼！咁你都講得出～」姐姐哭笑不得說，Richard立即把握機會輕吻了姐姐的臉頰，太浪漫了。



阿軒見勢，又依樣葫蘆親了我的嘴唇，我卻覺得場面很尷尬。

今次到Richard轉動酒瓶。

「Wow係阿軒。」

「一樣真心話。」阿軒答。

Richard一貫組爸作風調皮地問：「大家既然都咁熟，不如你講下你地stage幾？」

阿軒看了我一眼，我露出難為情的樣子，然後他尷尬地比了手勢。

我從眼角瞧到姐姐奇怪的神情。

「Wow 正常啦～大家都成年人～」Richard好像感覺不對勁，馬上解圍。



然後，阿軒又轉回Richard。

「不如你又講下你啦，你介唔介意你第時老婆唔係處？」

怎樣了？他們今晚是要爭鋒相對嗎？

Richard神情突然變得沉重，又看了姐姐一眼，認真地說：「唔介意，如果我係用處揀老婆，咁不如我去幼稚園搵？」

「哈，係咩？你都講得幾好聽。但你試幻想下佢俾人搞過喎，你唔會覺得自己只係執二攤咩？你真係唔介意咩？對一世㗎啵？」阿軒連珠發砲地問。

我一邊聽著阿軒的話，心一邊跳動得很快，擔心姐姐會覺得受傷，同時不知道如何反應。

「係，或者好多男人都係咁諗，但係我覺得，只有當刻佢係你最愛嘅人，你先會想同佢做，事實係咪行到最後根本無人知，一係索性婚後性行為囉，但結婚都唔包唔離婚啦。我自己都有過去，我無理由管埋佢嘅過去......」



Richard半醉半醒說著，姐姐顯然聽得心醉神迷，熱淚盈眶地抱著他，害我眼睛也有點痕癢。

這時推門聲打斷了Richard的話，一黑捲髮身影拖著行李箱進來。