雖然男朋友就在我身旁,但我不得不坦白承認現在的陳浩賢比以前的藍髮多一份典雅,吸引得讓我目不轉睛。

「我入嚟攞啲嘢,你哋繼續。」是一把很久沒聽過卻熟悉的磁性嗓子。

「漏咩啊?」Richard好奇問。

「無,筆記簿。」

「哦,玩得開心啲喇。」



「嗯。」

最後,他離開了。

「又會為咗本簿返黎咁搞笑嘅。」我裝作隨意道。

「本簿對佢好有意義㗎。」Richard搶答。

「佢係神神化化㗎,尋日無啦啦話訂咗單程機票,今日就要飛,無啲準備,我就唔會咁喇。」阿軒摟著我的腰說,而我腦海裡只是不斷出現「單程機票」的字眼……



「你唔好成日針對佢啦。」Richard有點生氣說。

「咁係啊嘛,我真係睇唔順眼佢好耐,成日講野都唔理人感受,佢已經整喊過絲絲㗎喇!」阿軒又再次激動起來,嚇得我心跳加速。

「咁佢一向睇心情做人,你都知佢呢排……」

「咁又點?佢叫春我哋就要就佢?你話佢係我女朋友就話百般遷就。之前明知我追緊絲絲佢仲……」阿軒這時欲言又止,並緊握著我的手,我莫名其妙很想甩開他。

「其實你自己都唔係好好。」Richard望著地下的空瓶說。



「喂呀,你哋一人少句喇,唔係話慶祝我出院咩~不如我哋玩返隻game?」姐姐急忙說。

「係囉係囉~~」我也幫忙說句話。

Richard看了阿軒一眼,然後轉瓶。

是我的回合。

「見大家都揀真心話,我緊係玩大冒險喇。」我調皮地說。

「係咪玩咩都得先~」Richard笑說,我點頭,心想都是跟阿軒有關吧。

「喂,唔好蝦我阿妹。」

「得,咁你開你手機,俾半分鐘我用,你唔可以say no,而其他人唔準睇。」



「下……」我半推半就解鎖了手機,說:「講明先,你睇到啲咩唔可以話人聽㗎,包括家姐!」

「放心,我用人格擔保。」

過了30秒,他便還手機給我,頁面停留在我的IG聊天室。

「睇到啲咩?」姐姐問。

「咩都睇唔到,呵呵。」Richard向著我笑說,感覺他並不簡單。

這時,我開始懷疑他和BU是有密切關係。

若我大膽推測,他極有可能就是BU。