求神畀我出一次Pool，點知畀埋個偶像男朋友我: 90

「係你阿哥叫我教你嘅！」我不甘示弱，加強了語氣說。

她很快打量了我全身，然後靠在我耳邊說：「咁你憑咩溝我阿哥？」

嘩屌，而家啲𡃁妹咁串？

「你阿哥溝我。」我淡然說。

「係咩，啲taste差咗。」



年紀輕輕已經是一個八婆......

「係咩，我反而覺得你無咩家教啵。」我記得當時陳浩賢也是這樣為我出氣。

「收皮啦！你咪使旨意分我阿哥。」然後，她向我扮鬼臉。

小學生佔地盤的本性終究無所遁形。

「小學雞！」我不禁把心底話說出口。



「柒頭！」

「咩話？你夠膽講多次？！！！」

「柒頭！」

這時阿軒從洗手間出來，妹妹馬上打開作業裝作做功課。

「咩事啊你？我洗緊手都聽到你把聲好嘈。」他擺出一副哥哥的姿態，嚴肅地看著他妹妹說。



「無啊～姐姐教得我好，我咪讚佢囉，你返入房練琴先啦。」她裝出虛笑的臉孔，現在的小學生真的很可怕。

「係啊，我哋好夾啊，一陣我先同你講啲嘢。」我配合她向阿軒笑說，他便回房間。

反正我也打算和她哥哥之後好好冷靜，現在就是我好好調教小孩子的時候，好讓她以後不要成為校園惡霸。

「你唔想我教你功課唔係問題，但話曬我都係大過你，你最好同我尊重啲。」我學阿軒擺出長輩的模樣教訓她。

「好，咁我哋而家一人問對方一條問題，得唔得？」

瘋了，現在一個小五學生說話居然像個中學生，學人說條件。

「是但你啦，老積到死。」我翻了白眼。

「你係咪想謀我哋身家？」她毫不留情說。



「無諗過，我都係啱啱知你阿哥咁有錢。咁你阿哥有幾多個ex？」我好奇一問。

「帶過上嚟嘅有兩個，幾個月貨仔咋嘛。咁你做咩上嚟我度？」

「坦白同你講，我話就話諗住教你功課，實際想同佢講清楚啲嘢。」

「分手？」她毫不猶豫問。

我開始懷疑眼前的女孩是情場高手。

「差唔多。」

「佢對你好差？」



「um......唔係。」

「拿，睇你個樣就知拍第一次拖啦。」對，這是出自小五學生的嘴邊。

「我同你講，對你唔好先好走，對你好咪騎牛搵馬囉。你手頭有無更好嘅仔先？」

一個小學生不知不覺間變成我的感情導師。

「um……」我想了又想，BU算嗎？

「無。」我的最後答案。

「咁唔好分。」

「係咪㗎？」我疑惑著。



「雖然我話就話唔想你分我阿哥，不過見你傻傻下咁，又無佢啲ex咁貪錢，我先咁講㗎咋。其實條條仔都有缺點㗎啦，就算你哋幾唔夾、你個心無佢又有咩所謂，對你好就係好男朋友！我都有鍾意過兩條仔，但佢哋就係一直玩緊我，唔通呢啲我仲要？」

「感情導師」看似說得頭頭是道，還把我昨晚的想法擊破得七七八八，和姐姐的意見形成強烈的對比。

當然她和姐姐都說穿了一點，就是我就算多喜歡陳浩賢，他無疑放棄了我倆的緣份，傷透我的心，難道我還要不知廉恥地把頭栽進去嗎？

我開始有點動搖，還是把冷靜的事擱置好了？！

「佢真係好阿哥嚟㗎，我老母成日做嘢唔返屋企，佢就俾我帶成班仔嚟玩～」她自豪地續道。

「哇你都幾受歡迎啵。」我不自覺配合她，續問：「咁你老豆呢？」

「佢？一早搵咗第二個啦。我老母好強勢㗎，只係識搵錢，邊個都頂唔順佢。」



曾幾何時我以為有錢就是萬能，會減去很多煩惱，誰知只是另一種煩惱。

這也難怪她和阿軒的待人處事態度有點古怪，畢竟在這樣的家庭成長，缺乏一個好模樣學習；而我和姐姐在院舍長大，在一眾老師和社工的帶領下，我們早就領教過這些人際課題。

不過，先不說別人，我的煩惱依然存在。