求神畀我出一次Pool，點知畀埋個偶像男朋友我: 91

接著，妹妹繼續宣揚她對愛情的看法，當中不少得的還有她身經百戰的情史，令我不禁暗嘆自己小時候是多麼「蹉跎歲月」。

不過，從她的談吐中，我看得出她本性不壞。

起初她的囂張跋扈確實讓人生厭，但不難發現她只不過想掩飾自己對陌生人的不安，試圖奪取主導權。

當她知道對方是無害的便放下戒心，然後將自己的事分享出去，希望得到別人的認同。

典型小孩子的想法。



雖則年紀輕輕的她已經懂得善用外表優勢，把男生們玩弄於掌心之中，但這無非是她對愛的渴望，或者是沒有感受過父母的愛，只要有男生對她好，她便會欣然接受，甚至送他們一些甜頭。

至於他們會否交心、她會否動心，那都不是她考慮範圍。

我該說她很傻嗎？

不，她還年輕，有時間去吸取經驗。

但若我和她這個小五學生在同一層次，就未免太不成熟了。



「阿妹，其實呢......」我語重心長，走向陽台遠眺海景說。

「等等，啲friend叫我童姐。」她跟過來打斷我說。

「咳咳，童姐～」

「其實你講得好啱，我的確無你咁多戀愛經驗，之前同你一樣，覺得對方好咪受，但直至尋晚我發現唔係咁。係，佢係陪你打機，你又唔駛自己做功課、唔駛用自己零用錢買嘢，你當然會好enjoy。但唔知你覺唔覺得，咁樣其實係呃緊自己呃緊人呢？因為由頭到尾你都只係利用佢嘅好，單係價值觀唔夾，你哋已經唔會好似我哋而家咁friend可以傾心事，而個心無佢，更加唔似男女朋友會一直互相扶持，成為彼此嘅唯一。呢啲真係你想要？」

我望一望妹妹的反應，她用一副不可思議的目光看著我。



我續道：「我同你仲有樣嘢好似，就係我哋阿爸阿媽都唔理自己。我由細到大都係孤兒，無咩感受過愛，更加唔係好知咩係愛，一日到黑就係FF幾時有人鍾意自己，幾時有人對自己好。但當有呢個人出現，我先發現自己都要好鍾意先可以一齊得耐，如果唔係個心都會飄咗去。就算我而家係無更好嘅對象，應該話有都唔關我事，我都知我應該要做嘅係放低唔適合嘅人，等下一個值得嘅人。」

「我家姐同佢男朋友就係好例子。佢哋之所以咁sweet，都係因為佢哋搵到彼此吸引嘅地方，就算大家有好多缺點，佢哋都會選擇包容，不離不棄。喺我眼中，咁先係真正嘅愛！」

「講到呢度，雖然你只係小五，但我覺得你諗嘢唔輸我呢個所謂大學生，希望你明我意思啦。」

我一口氣將想通的事情全都告訴「童姐」，希望她不會再像我一樣自欺欺人，提早明白這個道理。

「啪」童姐突然跳起在我頭頂拍掌。

「哇，仲唔俾我捉到你。」她打開手掌，是一隻死掉的蚊子。

原來她只是一直緊盯著我頭頂的蚊子，沒有認真聽我說話。

我無奈地向她搖頭。



「得啦，明啊，too long 唔想應你啫～」她傻氣地把掌心的蚊子吹到遠方。

我一笑置之，心想我又不是她的誰，怎能要求她馬上改變，她明白已經很好了，而且我也要感謝她，間接助我認清自己的想法。

無論如何，我要學童姐吹走蚊子一樣，把那些我不想擁有的東西通通放開，好好告訴阿軒我的想法。