求神畀我出一次Pool，點知畀埋個偶像男朋友我: 104

你走進我的心房 讓我滿心期待
你會對我講 《傾城》是我們的theme song

回到家後，在煮晚飯的姐姐一直來回哼著BU新歌的幾句歌詞，害我無法投入動漫裡。

「家姐啊，你有無第二句歌詞啊？」我抱怨說。

「我記得呢幾句啊嘛～你唱埋落去囉～」

「『想念你永遠不會wrong』啊！」我忍不住補充。



「啊我記得我記得～『我不是說過你最特別麼 怎麼找來了別個』～」

「哇，你哋兩姊妹rap得幾好聽～咁就要去4月BU個show喇！」Richard突然提議。

「下，乜BU開show？？！」我和姐姐異口同聲問。

「你哋睇～」他展示了BU剛發佈的IG新帖文。

圖片看似是BU的背影，頭髮是微捲的，感覺很高大，背景寫著「Hey 我在等你！」。



而Caption是「你笑容觸動我心情 想同你去場旅程 早比一世遙遠嘅東京」，然後是演唱會的詳情。

「幫我哋買飛啦～」我馬上懇求Richard說。

「無啵，我只係留咗VIP位俾我同家姐咋～你唔駛買啦～」

我不禁暗暗埋怨「姐夫」，只顧著自己和姐姐。

「下，兩張都要800幾啵！你又咁大使㗎！！！」姐姐忍不住責備Richard。



「放心～～友情價！！Oh shit……」

「咩友情價啊？！」我馬上問，難道Richard和BU是認識的？！

「唉，唔怕同你哋講。其實我識佢～」Richard撥撥自己的頭髮。

「作啦你，如果你識我就唔洗真金白銀買簽名碟送俾阿妹啦！你肯定使咗唔少錢！」姐姐裝作大力扭他耳朵。

「嘿嘿～一次半次咋嘛，開心咪好。」

「哼，咁我著靚啲同背熟啲歌詞先～」姐姐意氣風發說。

「咩話！！！！我喺你隔離㗎啵！」Richard故作生氣說。



「尊重場合都唔得咩！阿妹，遲啲你陪我一齊買靚衫啦～」

「哦，都好，絲絲而家無拖拍，買靚衫都好～」

「超！你哋都無諗住預我㗎啦！」

我默默上床繼續看動漫。

不知道身在東京的陳浩賢會否出席BU的演唱會呢？他在的話，我就可以和他一同分享好音樂的喜悅了。

啊，不對！他好像對BU好感不大……