求神畀我出一次Pool，點知畀埋個偶像男朋友我: 103

「陳浩賢？」Richard問。

「係啊，我頭先好似俾人跟蹤咁，又唔想再麻煩家姐咪搵佢囉。」

「唔係掛？！！！又神秘組織？！！」他輕聲且激動問。

神秘組織？

「唔會啦，你上次都同阿軒鏟上我老細度解決咗啦。」



「下，有咩？阿軒同我講佢搞得掂，我無去啊。」

「乜係咩？同阿軒嘅版本咁大出入嘅。是但啦，我估呢個神秘組織應該唔會再搞我哋嘅，上次搞到我家姐就快毀容，咩仇都報曬啦。」

「都係嘅。話說聽講你同阿軒散咗啵？」

我微微地點頭示意。

「其實我都估到，feel到你哋兩個都唔夾。」



「乜係咩？」我敷衍一笑。

「不過有啲嘢我唔知應唔應該同你講。」

「嗰晚呢其實我見到……」

鈴鈴鈴——他的電話此刻響起。

「晴B？」他溫柔地說。



還真肉麻……

「我接咗你阿妹喇……哦，無穿無爛，放心啦。一陣見～」

對呢，我還差Richard一句謝謝。

「多謝你啵～姐夫～」

「哇，咁客氣啊～阿妹～」他拍打了我頭一下，便一同回到家。

這時，我才想到一直以來我也沒對陳浩賢道謝過，就趁今晚答謝他好了。

一打開WhatsApp，便見到昨晚凌晨陳浩賢發出的一連串訊息。

「我啱啱睇完你介紹嗰套戲喇！無諗過你揀戲啲taste唔差啵～」



那是當然，好嗎？雖然我只是看過那齣電影的預告，掌握了少部份劇情。

「我搵咗幾乎一大部分答案啊，不過呢仲有啲嘢需要你意見。」

我意見？Player要向A1請教意見？

「你覺得有男朋友嘅人應唔應該追啊？」

「仲有呢，如果潛意識都覺得要放棄，係咪真係要放棄呢？」

OMG，原來東京女孩是有男朋友的！！！

所以他們還未在一起吧。



「緊係唔應該啦。」我決定站在自己立場回答他。

「點解啊？」他秒回。

「你會受千夫所指，仲有你自己都覺得無機，何必追人呢？」我本著看似為他而說，實則只是自私地希望他放棄她後可以留意我。

「但我真係好鍾意好鍾意佢……」

「呢個世界邊有無邊個唔得㗎～」正如單身生活的我一樣呼吸正常呢。

「唔覺啵！」他馬上潑我冷水。

哼，難道我就半點比不上東京女孩嗎？

「好，你講下你鍾意佢幾耐？」



「兩個月。」明明兩個月前他才剛開始保護我，另一邊廂他居然喜歡了另一人？！

「咁你哋識咗幾耐？」

「兩個月。」所以喜歡和認識是同一天？？

「下，你第一日識人就鍾意人？」平凡人怎會懂Player的世界呢……最可笑是我居然喜歡了Player。

「邊有得計住㗎！不過點都好，我問完你，心入面更加肯定我要搵佢！」

「咩料啊，原來你有答案嘅。」我無奈地回應。

「唔係㗎，都係你話唔好，我先更覺得我唔做一定會後悔過有做！」



「u 諗 u，Bye！」

哼，本來還想答謝他一直保護我，現在不用了！