[穿越][愛情][校園]重回青春時尋找當年失去的愛情: 試探

「喂，啲飛係咪係阿欣到？」

明天就是我和小彤、阿明和阿欣四個人到海洋公園的日子，而此刻我和阿明正在玩電腦遊戲。

「係呀！」

「叮⋯⋯叮⋯⋯」阿明那邊傳來一些訊息聲。

「喂屌，阿欣搵我，第日再繼續，聽日係地鐵站見啦。」阿明斷開了遊戲的連線。



「唉，咁我都早啲瞓先。」我關好電腦後，可是時間又太早，我也睡不着，只好臨睡前在床上玩電話。

我正在看Instagram 和Facebook 期間，小彤突然向我傳來訊息。

「你瞓未啊？」

「緊係未啦，如果唔係點覆你。」我回覆著小彤。

「你聽日記得唔好遲到呀！」



「知道啦。」

我和小彤閒聊了一會之後也漸覺疲累，不知不覺間也睡著了。

「咦點解我隻手係到震嘅？」當我仍在睡夢之中時卻感覺手中有東西正在震動。

我睜開睡眼惺忪的眼睛卻發現原來是阿晴打電話給我，而時間是早上八點，距離在海洋公園和阿明他們匯合的時間還有兩個小時。

「喂阿晴咩事呀？」



「你今日得唔得閒？」

「嗯，應該唔得閒呀，你搵我有事？」

「我想諗住搵你一齊去海洋公園咋嘛。」

「又會咁啱係海洋公園嘅！」我心裡一陣疑惑。

「喂，阿俊？」阿晴見我沒有回應。

「係！」

「咁同唔同我去？」

我心中有些猶豫，但是當我一想起上次我和小彤在海洋公園不愉快的經歷就覺得這次不可以再令小彤失望，最後我婉轉地拒絕了阿晴。



然而，我也有想過找不找阿晴和我們一起去海洋公園，可是小彤和阿晴給我的感覺不太親近，而且我們是兩對情侶一起去對於阿晴也比較尷尬，所以這個想法很快就從我腦海中抹去。

「我真係唔得閒呀，一係下次先同你去啦。」

「咁好啦，拜拜。」阿晴的反應出乎預期地平靜。

我把電話掛斷，梳洗一番之後再落去樓下茶餐廳吃了一個早餐。

「你搭車未呀？」當我差不多吃完早餐時，小彤打電話給我。

「我差唔多食完嘢啦，跟住就去搭車。」

「咁我等陣係巴士站等你啦。」



我匆忙吃完剩下的食物後，就走到附近的其中一個巴士站，果然看到小彤站在那裡等我。

小彤今天穿著一個輕便的運動裝，戴著一頂帽子，雖然裝束不是十分華麗，但是也不經意地散發出一種美態。

「你今日咁靚嘅？」

「哼，一見到我就口花花，你咁講嘅意思係咪即係話我平時唔靚呀？」

「緊係唔係啦，平時都靚，只不過今日更加靚。」

「哼算你啦，車嚟啦。」小彤說完後就指著一架正駛過來的巴士。

我們上車之後坐了差不多一個小時後就到了海洋公園。

「你哋兩個咁遲㗎！」阿欣和阿明原來早已在海洋公園的門口等我們，阿明把門票給我和小彤。



「都係遲咗五分鐘姐。」小彤反駁著。

「五分鐘好多㗎啦，快啲行啦，今日好多人陣間淨係排隊玩都要等好耐。」阿欣拉著小彤準備進去海洋公園，我和阿明對視一笑也隨即跟上。

可是，我們卻不知道有兩個人鬼鬼祟祟地在後面跟蹤着我們。

———

「喂，我試探左阿俊啦，佢真係寧願揀同小彤去海洋公園，都唔同我去。」我跟黎楓芷說。

「唔緊要啦，我哋陣間睇下有咩辦法搞到佢哋之間不歡而散，到時你再出嚟安慰阿俊實掂。」黎楓芷建議。

「聽住先，快啲行啦，就快唔見左佢哋。」我催促著黎楓芷。



———

「我哋不如去坐過山車先啦，你哋點睇？」阿欣說。

「好呀！」我和小彤答應，但是阿明卻一副欲言又止的樣子。

「你唔係驚呀嘛？」我趁機嘲笑著阿明。

「邊個話我驚？去咪去。」阿明不服氣地說。

最終阿明幾乎成為了在過山車上面叫得最大聲的那個人，坐完之後他還去了廁所吐了一會才出來。

「你有冇事呀？」阿明從廁所出來後阿欣立即緊張地問。

「我冇咩事，不過我嘔晒啲嘢出嚟有啲肚餓。」阿明摸著肚子說。

「咁不如我哋去搵間餐廳食嗰晏先再繼續玩啦。」小彤說。

「好。」阿欣回答。

我們四人就到海洋公園裡的其中一間餐廳吃午餐。