[甜]人妻食用手冊 II: 第四十三回 金錢

第四十三回 金錢

係我人生入面,
比到我有戀愛感覺嘅人唔多,
而其中一個就係我老婆.

[你咁大聲喝我做乜呀?
依加洗少少錢係唔係要你批准呀?]
無錯,
呢位雙手叉腰紮恆馬,


鬧交聲音高八度嘅,
就係我啱啱提過嗰位.

我攞住張銀行月結單情緒有D激動,
[咁叫小小呀?差唔多十萬呀,皇帝!!]
唔洗問老婆又攞錢進貢比D神棍.

[你咁緊張做乜呀?
D錢又唔係你嘅我遲D咪會賺返囉.]
女人一講錢就分得好清楚邊D係你邊D係佢.



[遲D?妳知唔知自己做緊乜架,妳真係當正妳位大師係上帝呀?]

[上帝會炒股票咩?
上帝會幫我轉運贏錢咩?
真係有上帝呢個世界就唔會咁唔公平啦.]
我真係比佢疾到無聲出.

[阿皇帝呀,妳唔係唔知我搵幾多一個月架?
我地係到燒緊D積蓄乍.]



[就係因為你無用搵得少,我先要炒股票呀!!]

[我無用!?]
好難想像一個自己喜歡嘅人會講出呢句咁難聽嘅說話.

正當我想還拖時,
亞仔開咗房門大喝一聲:[你地靜D得唔得呀!!]

我地兩個即刻收聲.
唉....算啦,再嘈落去都無意思.

我攞埋D野行去門口.
[咁妳比心機炒妳嘅股票上妳嘅堂,
我去返我份無出色嘅工呀.]



好嬲咁走出咗屋企門口,
究竟係我無用變成今日咁?
定係人會變?

其實今日我唔洗返工,
因為中午約咗Ada.

為咗呢一日,
我係淘寶入咗好多玩具,
手扣,肛塞,假狗,繩,500cc針筒,
最衰屋企得生日蠟燭,
有諗過好唔好買把積梳改裝,
不過成本太高....
攞住咁多野如果比差佬搜身都咪話唔大鑊.



日光日白無理由去坐公園架,
有排都未夠鐘喎,

為咗唔想比老婆影響心情,
我走去戲院睇咗場早場,
見好多老人家排隊,
可能係因為有優惠啦.

睇完戲重係好早喎.
於是.......
我去咗圖書館.
因為有冷氣,又有得坐,攰重可以瞓一陣,
啱晒D老人家.......
仆街,真係越呢越似D孤獨老人.