[甜]人妻食用手冊 II: 第四十四回 相遇

第四十四回 相遇

係圖書館磨時間磨到夠鐘走人,
期間見到幾次D亞伯因為爭報紙鬧交.
唔知重以為係宿世仇家見到面,
嗰種惡毒咀咒真係唔講得笑.

有一次重大打出手幾乎釀成血案,
無死傷唔係因為有人阻止.



而係兩位長者舉起手都用咗成分鐘.

兩隻手係空中好似花蝴蝶一樣不停飛舞,
交鋒一迅間雙方同時洗出生平絕學手震衝擊波,
透過報紙不停震震震攻擊對方,
短短數秒已經交手幾十個回合.(以震動計算.)
一時間鬥得難分難解.

幸好其中一方發現有另一份報紙係書架出現,
立即款戰走向目標,


否則一定兩敗俱傷.
香港人真係好重淚氣.....

食咗野係西環行咗陣就去目的地.
我好準時咁到咗酒店.
係大堂send個短訊比佢:[Ada,我到咗啦.]

佢好快手即刻回我:[我已經攞咗房啦1602室,快D上呢啦.]

[ok,即到.]


真係高效率,
唔知點解佢比我感覺似叫鴨.

今次係我第二次見Ada,
除咗叫雞之外,
我諗我未試過可以咁短時間就同一條女上床,
完全單純為咗性.

以往我會用好多時間去呃女,
目的都係為咗上床.
現在連呃都唔洗個感覺好唔真實,
乜上床唔係我嘅目標咩?

當我準備行去搭lift時,
離遠好似見到熟人.



無理由嘅幻覺呢嘅.....
因為.....我見到陳太.

唔單止佢重有早洩夫.
佢兩個拖住手甜絲絲咁行出去酒店大堂正門,
陳太完全無留意到我係到.

佢地企係酒店門口,
應該係等攞車,
果然,
早洩夫部嘈到好似穿咗死氣喉嘅黑色林保好快就停咗係佢地面前.

陳太佢地兩個呢酒店做乜?
亞安,你唔係咁幼稚呀,酒店重可以做乜?


你呢酒店都唔會係借廁所呱.

咁.....可能食飯呢,
有錢佬當酒店係飯堂有幾咁出奇,
無錯.....一定係咁.

忽然有訊息到,
唔通係陳太見到我?
[你重未上呢架?]
超....原來係Ada催我.

唔知點解個人有小小心神恍惚,
去到1602室門口時個心好亂.

一向我都係食女為目標,


現在有件性感尤物係一門之隔等緊我,
我應該好興奮至啱架,
做乜現在個心好唔舒服.

我知我係咸故男主角,
如果唔入去會無故寫,
但係.....

大家覺得我應唔應該入去?