[甜]人妻食用手冊 II: 第五十七回 過去

第五十七回 過去

陳太即刻放底罐啤走去攞咗兩個酒杯同一支酒出呢,
坐係我側邊.

我望一望支酒.
[嘩....辣野呢架喎,妳唔驚我借酒行凶呀.]

[你隊得淋我先算啦.]



[喂,聽聞妳成日猫喎.]

[你試下一個隊幾個咪知乜事囉,你知唔知女人出呢做野唔識飲酒好洩低架.]
陳太倒咗一小杯比我,
大家碰一碰杯,
我飲咗一淡.
嘩,火燒一樣.
[果然係勁野.]

[我平日好少係屋企飲酒.]



[老公唔鍾意呢?]
陳太笑一笑無出聲.

[係喎我記得妳之前話有野想同我講,之後我又無咗件事,到低係乜事?]

陳太飲咗啖酒講:[我同老公離婚.]

[妳同老公傾咗未?]



[嗯.]

[離婚重有心情去日本?]

[佢話去散心順便睇動漫展喎.]

[吓!咁都得.]

[陳太飲咗啖酒講:咁你可以想像我係佢心目中嘅地位啦.]

對於呢個消息有小小震驚,
但係都係正常決定.
佢老公點同早洩夫比.
循例都問一合句:[點解?]



[女人希望想要一個男人,可以同甘苦共患難.]

[咁妳現在老公唔係最佳人選咩?]

[佢....唔係唔好,
只係好似得我一個人向前走,
我希望我係外面打拚時,
有人可以同我齊上齊落,
可惜...佢從來都無同我一齊行過.]

之後繼續講:[我好似照顧緊一個長唔大嘅細路咁.]

[所以決定同早洩夫一齊?]

點知陳太搖一搖頭.


[我唔係細路女我知自己想要D乜,
我大佢成十年無可能係埋一齊.]

[唏乜野年代呀,都唔知幾多大十幾年都係咁.]

[人地得唔代表我得,而且.....]

[而且乜?]

[你記我講過同客上床嗰件事?]

[記得.]

[妳唔好同我講個客同早洩夫講咗呢單野呀.]



[應該無.]

[咁妳驚比佢知道妳做過呢D事?]

陳太點點頭:[嗯.]

正常嘅無人想比人知自己一D唔見得光嘅歷史.
[咁有無方法要個客收聲,例如生意上嘅方便.]

陳太搖搖頭.

[咁真係有難度喎.]

我講笑話:[不如搵個殺手隊淋佢囉.]



陳太苦笑一下講:[佢係Joseph亞爸.]