[甜]人妻食用手冊 II: 第六十五回 破裂

第六十五回 破裂

錢.....一言驚醒夢中人.

有辦法!!!用呢個方法一定work.
我再留言話如果比我加入我出一萬加全日消費.

果然,唔洗一分鐘即刻有回應.
攞到地址之後立即狗衝過去.



當我去到酒店企係房門前時,
我個心好亂,
希望只係一場誤會,
但係去到如果入到去見到真係佢我應該點做?
玩埋一份?定係即刻轉身走人?
呢一刻先深深體會到被背叛嘅感受一D都唔好過.

既然呢到死就死,
一於叩門入去.



結果唔洗我講大家都知發生乜野事.

當班人走晒之後,
我抱起我老婆,
見佢迷迷糊糊無晒反應,
應該high咗野,
我只好同佢返屋企先.

結果佢一瞓就瞓到夜晚.
起身第一句就問:[做乜我會係屋企架?]



[係我喺酒店接妳返呢.]

[酒店...]
老婆好似唔知發生乜野事咁.

忽然佢大聲講:[大師話幫我轉運架!!]

[吓!?....大師?]

老婆突然發爛喳一手指住我:[係唔係你趕走晒佢地?]

[老婆,妳知唔知自己做緊乜架?]

[我梗係知啦,唔知嗰個係你呀!!]



[係呀,我真係乜都唔知呀,我只係見妳同一班男人上床咋.]

[上床?我係到採陽保陰轉運呀死蠢!!!]

[乜話?]
呢句係我聽過最荒謬嘅藉口.

[妳唔係蠢成咁呀?]

[我蠢?我講乜你都唔信架啦!!你有幾時信過我呀!!
咁多年呢我做邊樣野你有支持過我架?]

[咁妳又有幾時睇得我順眼呀?我做乜妳都鬧.]
於是你一言我一話嘈起上呢.


大家水火不容將咁,
將多年呢嘅不滿同缺點如數家珍咁搬晒出呢.

老婆好嬲咁講咗句:[既然係咁我地離婚啦!!]

[離咪離,我都忍咗妳好耐啦!!!]
就係呢個時候,

門鐘突然響起,
邊個咁夜呢?
我走去打開門,
見到一班警察企係門口,
即刻意識到係老婆D傳銷出咗事,
好丫,我講就廢話,
現在警察上門啦,睇妳仲可以點.



我即刻問:[亞Sir乜事呀?]

[請問劉子樂係唔係到?]

我同老婆異口同聲叫咗出呢:[亞仔!?]

[亞Sir,到底乜野事?]

[我地懷疑佢同多單網上騙案有關.]

[吓.....?]

我同老婆立即去叩亞仔房門,
佢無回應亦無開門,



就係呢個時候,
聽到窗外傳呢一聲巨響.

呢一下聲音我呢一世都唔會忙記,
點解要比我再聽多一次.

警察即刻破門沖入房,
可惜已經太遲.