[甜]人妻食用手冊 II: 最終回 因果
最終回 因果
數年後....
唔知有幾多人夢寐以求可以有咁嘅一日,
係一個千呎嘅辦公室入面,
坐係一張真皮大班椅上,
遠望住呢個180度無敵維港夜景,
高高在上有如君臨天下一樣,
真係人生一大樂事.
其實大家又唔洗羨慕我喎,
你地都可以架,
只要攞幾千萬比我幫你祈福就得架啦,
哈~~~~哈~~~~~哈~~~~~~~~~~
[亞安,你嗰邊清潔完未呀?]
[明哥,等...等......好快.]
比我發一陣夢都唔得,
真係丫.
唔好意思發完夢啦,
其實我邊有咁本事係IFC返工丫,
我無做超市啦,
現在做緊清潔.
無法啦,
又無學歷又無專長,
唔做呢D工仲可以做乜?
陳太曾經問我信唔信報應,
我話唔信,
但係發生係我身上嘅事
都唔知應該叫因果定報應.
一年之內死咗兩個我關心嘅人.
第一個係亞Cat,
最初只係一心諗住玩玩下食完就算,
無諗過結局會變成咁,
佢最想要嘅係老公嘅愛,
呢樣野我無辦法比到佢,
最後出呢嘅結果亦唔係佢想要嘅野,
而我亦有入份促成呢一個結果,
嗰種罪感我呢一世都唔會忙記.
另一個係我個仔,
因為無好好照顧佢,
情願花時間上網呃女都無理下個仔,
一味寵壞佢結果令佢變成玻璃心,
最後仲攪到自殺,
佢嘅死我要付大部分有責任.
[得未呀?]
[得啦明哥,攪掂啦.]
唔講住,
嗱嗱林囉埋D野收工走人.
當我地落到停車場,
執緊D工具上車時.
離遠我見到一個女性身影企係停車場門口.
係陳太.
原來佢返咗呢.
我下意識咁企咗係一條柱後面,
因為唔想比佢見到我.
偷偷咁望住佢,
佢依然好靚.
唔知佢現在點?
有一刻沖動想行上前,
就算當朋友傾下計都好,
可惜我無勇氣咁做.
我諗,
我唔應該再係佢嘅生命入面出現,
學佢話齋,
大家當發咗一場夢咪算囉.
佢對於我呢講係天上嘅流星,
因為佢嘅出現,
照亮我嘅生命,
那怕只係一瞬間,
而我永遠都唔係佢心目中嘅太陽.
忽然,我聽到好嘈嘅死氣喉聲.
無錯,係早洩夫,
陳太見到佢個樣好甜,笑得好開心.
呢個時候明哥叫我,
[喂上車啦,仲望乜野?]
[呢啦.]
[喂,前面坐林保嗰個咪做排上晒報紙嗰有錢仔?]
[係咩?做乜上報紙?]
[好似話同因為個女人同屋企人反面脫離關係丫嗎.]
[係呀......]
[傻仔,有錢驚無女人.]
[真愛嘅野你識條鐵咩....]
[係呀,真愛我真係唔識,我只係識做愛....]
明哥陰陰嘴笑住講:[亞安,放工去唔去揼骨呀.]
[唔啦.]
[好正架喎.]
[唔好啦,我要返屋企呀.]
[又陪老婆呀,你真係好老公.]
[嗯......]
睇呢陳太佢地都放底咗包袱,
見到咁我都戥佢開心.
明哥車到我屋企樓下,
返到屋企打開門.
見廳燈著咗,
睇呢老婆仲未瞓.
[我返呢啦.]
[你返呢啦.]
[.....係呀.]
[你坐底先,我整咗D野比你食呀.]
[今日又整乜呀?]
[豉椒排骨炆西瓜.]
[......]
算好架啦,
上次係椒鹽WASABE豬腳炒芒果…..
[我唔肚餓呀,妳有無定時食藥呀?]
[藥....可唔可以唔食呀?]
[食藥會快D好架.]
[我都無病....]
[咁...食完身體健康咪可以去玩囉.]
[哦....咁我食啦.]
[夜啦,食完藥早D瞓啦.]
[亞仔,你都係呀,記得食晒D野呀,唔洗留比你個PK老豆呀.]
[嗯......]
[記住呀,千萬唔好學佢咁無用呀.]
[嗯....得啦.]
我老婆.....佢接受唔到個仔自殺嘅事實,
結果有精神病.
對佢呢講現在咁樣可能係好事.
起碼佢唔洗諗起D唔開心嘅野.
而我會繼續照顧佢一世.
如果有人再問我信唔信報應,如果有人再問我信唔信報應,
我會話,我唔信.
報應唔係應該發生係我身上嘅咩?
點解受苦嘅反而係我身邊關心嘅人?
或者應該叫因果.
人妻食用手冊 II(完)
終於又寫完一本小說,
多謝一直好有耐性睇晒呢篇小說嘅人.
單睇點擊率就知呢篇又係一篇寫得麻麻地嘅小說.
無法寫作技巧唔好,題材又非主流,又多錯別字,
連我自己都覺得寫得唔好....
呢篇小說我無放係連登,
因為知道唔啱佢地口味,
我相信呢個故事去到尾段已經收到好多負評同粗口,
咸故一味啪,有乜意思,
大把肉文寫得比我好.
有Ching講陳太同亞安只係攪咗一次唔夠喉,
係.....我都知,
有諗過係陳太離開前嗰一星期空槍期加多幾段偷食戲,
不過好似又係寫啪啪啪......
所以決定放棄.
上一篇有人問我係唔係真人真事,我會話當中有真有假,
呢一篇同樣係有真有假,有時現實世界發生嘅事會比小說更癲更唔合常理,
寫出呢又覺得無人會信,所以先無寫.
人有時真係幾恐怖下.
咸故對我呢講只係一個包裝,唔係我想寫,
不過市場上有需要只好融入其中.所以我寫每一個咸故,
背後都有另一個意思,唔希望係單純性.
如果覺得呢篇小說唔夠咸可以去睇我另一篇仲寫緊嘅小說,
https://www.shikoto.com/member/article/214901/edit.html
人母調教手冊
因為新小說無底線,無咁多廢話,
至於有無言外之音.....自己睇啦.
故事講SM,亂倫,幾重口味,
性愛場面比呢編多好多,
完全挑戰你嘅極限.