今日我開始左對公司啲同事進行復仇大計: 第七節

尋日請左一日假無返到工，我專登唔同任何人解釋我點解突然請左日假，就連Daisy阿油阿輝佢地我都無交代半句。雖然我人唔喺公司，但唔代表我唔可以搞屎 棍，尋日下晏我專登去訂左個生日蛋糕，叫人今朝送去我公司畀Judy，我仲指明上面要寫住40th同放夠40支蠟燭落個盒度。其實今日根本唔係Judy生日，而Judy其實都係得32歲，不過既然年齡係未婚女人最介懷嘅一環，我相信呢個蛋糕錢係唔慳得嘅。另一方面，我收到風佢地今日下晝會集體留喺公司叫pizza返黎食，有見及此我專誠為佢地準備左小小娛慶節目，希望佢地到時會鍾意。

 

前文提過我暫時都會日日預備早餐畀阿Daisy食，我見尋晚屋企食剩左啲水果，我就求其執左個果盤拎返公司。返到去如常都係得Daisy一個人返左，佢見 到我神情有啲奇怪，好似欲言又止咁。我行埋去放低個果盤，主動問佢發生咩事。佢扁一扁咀，答我：尋日唔返工又唔話畀人地知，搞到我餓左成朝。嘩，斯德哥爾 摩症黎講呢條女都算病發得快，明明上星期仲畀我玩到就黎崩潰，轉個頭食左我幾日早餐就走黎同我撒嬌，講真一句畀個容貌清麗嘅少女突然嗲一嗲，真係少啲定力 都腳軟呀。不過細佬都唔係省油嘅燈，我即刻收歛心神，故作冷淡咁答佢：無呀，尋日有啲緊要事要處理，唔記得通知妹唔好意思。呢度有啲生果畀妳清下腸胃呀， 食完好做嘢啦。講完之後我就急急腳行左入廁所，大巴大巴咁星自己。我知道如果我喺呢刻動左真情，我成個計劃就會玩完。喺星左自己幾分鐘後，我見自己開始吐 血，我諗都係咁上下應該都醒晒啦就停手行返出去。

 

我預備畀Judy姐個蛋糕準時喺朝早十點半送到，同上次送花畀Valarie一樣，我都預先喺個盒度寫左張無署名嘅卡。為怕畀佢地認出係我字跡，我專登叫 餅店個姐姐幫我代筆。今次Judy醒目，為左唔重覆上次關心妍攞錯獎般嘅錯誤。佢confirm左個蛋糕係畀佢佢先行出黎，張卡上面寫住You take my breath away, and I present this cake for you on your big day。佢見到張卡之後好開心，用高八度嘅聲話唔知佢邊個追求者咁鳥龍早左成兩個星期送個生日蛋糕畀佢。成班同事即刻起哄叫佢即場切左個蛋糕分黎 食，Judy當然亦扮順應民意打開個準備切蛋糕，點知佢開左個盒之後即刻面色一沉。如果唔係喺眾目睽睽之下佢應該已經掟爛左個蛋糕，其他人唔知死緊係爭左 行去睇下個蛋糕係咩樣啦，Valarie見到寫住40th之後竟然忍唔住笑左出聲。呢啲時候我見機不可失，即刻補句：「嘩睇黎條友唔知早左兩個禮拜送黎，仲 早左成兩年喎，點睇Judy你最多都係38歲姐。」





 

Judy聽到之後忍唔住好似想鬧我咁，不過佢環視周圍忍緊笑嘅同事之後，再次表現佢嘅變臉神功，擠出佢個招牌式笑容叫大家唔洗客氣食得開心啲，之後就自己 返左埋位。Valarie可能為左補鑊，無食個蛋糕行左埋去同Judy傾計，不過我見Judy都係十問九唔答。我呢個時候不禁自滿起黎，喺心入面講左句呢 個蛋糕真係買得抵呀！

 

到左lunch hour果陣，佢地成班叫左pizza留喺公司食，當然佢地都係無預我同阿輝架啦，文員輝為免面慒自己一早已經出左去食晏。但我之前都提過我為佢地預備左 娛賓環節，正當佢地食到一半果陣，我喺個位度拎左支trumpet出黎。呀我無同大家講過，基於細佬中學時期非常之鍾意爵士樂，特別係Chet Baker呀Miles Davis呢幾個trumpeter，所以當年我專誠去通利度學左兩堂點吹trumpet。你地無聽錯，係兩堂，兩堂之後我就因為發覺原來好多人誤以為左 我支trumpet係用黎破地獄，而相反吹saxophone先溝到女所以而放棄左支trumpet。不過因為支trumpet都成千幾二千蚊，我一陣有 keep住支野喺度，今日係時候將我六七年前喺果兩堂學過嘅嘢盡情發揮啦。

 





當我拎住支trumpet出現喺佢地面前果陣，佢地全部人都露出左驚訝嘅神情，喺佢地未來得及出聲之前我已經先發制人話：跟住落黎呢首歌係獻畀就黎踏入佢 人生第四十個年頭嘅Judy姐嘅。當然，只係學左兩堂，大家可想言知我其實唔好話吹首歌，就連吹到個耳朵接受到嘅音都係相當困難嘅。喺我吹左大約幾十秒之 後，大明繼續發揮佢扮大佬嘅本色，衝埋黎同我講：「你可唔可以行出去走廊自己吹呀?」我聽到之後向佢報以微笑，徐徐地答道：「咁你可唔可以匿返入廁所到自己開餐 呀?」喺佢未黎得切反駁之前我又繼續吹，卒之喺一分鐘之內，明明仲剩返成枱食物，但班友已經全部落荒而逃啦。