今日我開始左對公司啲同事進行復仇大計: 第二十一節

尋晚我臨放工果陣收到Miki嘅whatsapp，佢叫我放工三個鐘之後返黎公司，保證會有驚喜。當我正猶豫佢會唔會設陷阱害我嘅時候，Sam姐突然約我放工之後去附近café傾啲嘢。我決定暫時唔考慮今晚返唔返黎，先去左睇Sam姐有咩事咁急搵我。去到café，我發覺Sam姐專登揀左café入面離門口最遠嘅一張枱坐，好明顯佢係怕畀人撞到。其實我真係唔明，喺電視劇入面成日有啲劇情係某人喺公眾場合同人講秘密，又咁啱畀附近嘅人偷聽到，而附近條友又咁啱會係識嘅。我真係好唔明，講秘密唔可以返屋企度先講架咩？估唔到聰明如Sam姐都會犯呢啲低級錯誤，佢如果係有秘密野想同我講佢大可以叫我上佢屋企呀，喺公眾場合就算你匿埋喺枱底講其實都無乜意思。不過佢點同係我上司，我唯有順下佢意啦。

 

一坐低我就見到佢好神色凝重，正當我想扮關心問佢發生咩事佢已經示意叫我唔好出聲，之後佢話：「我好清楚你為人，我亦都希望我無信錯你。我知道你雖然鍾意做埋啲無聊野去整蠱人，但你唔會為左上位而去傷害無辜架咩，係咪？」的而且確我之前做嘅所有嘢無一件係為左上位，所以唔會為左上位去害人呢個陳述係正確嘅，所以我好理直氣壯問心無愧咁答佢：「係，我的確從來唔會為左上位而害人，呢樣野你可以好放心。我估你咁樣叫問得我，係同Kate姐個位有關？」佢聽到我答案若有所思咁呆左一陣，良久之後佢先繼續講：「其實阿Kate個位本身邊個做都無所謂，我自己都覺得佢唔太勝任。不過而家最困擾我嘅係阿Kate唔係自願離職，佢係被人用計迫走架。去到呢個時候，我都唔怕同你講埋件事係點，我知你地一直都知道阿Kate同我地總公司果個Marcus有染，我地其他人都係一直隻眼開隻眼閉。不過最近有人暗地裡將阿Kate同Marcus嘅姦情通風報迅左畀Marcus嘅太太知，就連佢地幾時去邊開房呢啲咁details嘅嘢都通知埋佢太太，等佢可以捉姦在床。」「咁呢啲桃色糾紛嘅嘢阿Kate自己都應該要負返責任。」「但事情嘅重點唔係喺阿Kate同Marcus身上，而係究竟邊個會通水畀Marcus太太知。我想知道究竟係有人想上位而走去做呢件事呀，定係……」呢個時候我如果扮傻只會引起嫌疑，而且接住落黎果句我知唔方便由Sam姐把口講出黎，所以我幫佢接埋落去：「定係Evans爸爸想捧自己個仔喺呢間分公司上位所以搵人做呢件事。如果係Evans爸爸做，呢件事就涉及埋高層權鬥，會影響到你right？」Sam姐點一點頭，佢同我講：「你得閒幫我留意下件事係由邊個做架啦，其實就算係你做都唔緊要，我唔會怪你，我只係想知道係邊個做姐。如果你想爭阿Kate個位我都唔會阻你，但亦唔會偏私支持你。我唯一要求係你做咩都好，唔好對公司做成太大傷害就可以。」講完之後佢就埋單走左，雖然我心入面頭號疑犯係Miki做，但另一個猜測又好似好合理，而且個個都可能暗地裡想上位，都係嫌疑人啦。呢個時候我記起Miki叫我幾個鐘後返公司，我最後都因為按捺唔住好奇心返左去睇。

 

喺大約夜晚九點，我返左上公司，棟大廈呢個時間已經剩返好少人。我選擇左無閉路電視影到嘅後樓梯上去，我盡可能都唔想喺唔知咩情況下畀人有跡可尋。行到上去之時，我離遠見到公司門口盞燈著左，但呢個時候正常應該已經無晒人，而且應該都唔會有人OT。我行到埋去發現度門無鎖，我喺盡量唔引起聲響嘅情況下偷偷地咁行左入去。我呢個時候聽到啲奇怪嘅呻吟聲……





 

由於公司入面無開燈，我僅算窗外透入黎嘅光見到有個人影企左喺Judy個位面前，憑身形我認到佢應該係文員輝。雖然睇得唔係好清楚，低我見到佢隻手好激烈咁套弄自己下體，而且佢一面唸唸有詞話：「平時你地睇唔起我，當我係雞蟲呀啦，我而家就黎射死你班港女呀，日日坐住喺我啲精上面都仲慒盛盛。我陣間就去埋水機度射多次，等你班死港女日日飲住我啲精做人呀。」我聽到之後當堂想反胃，雖知道公司部水機唔只班死港女，連我都會用到。我強忍果度強烈嘅作嘔感覺，繼續睇下文員輝跟住落黎會做咩。喺佢應該出左野射左落Judy個位度果陣，我見佢行左去Valarie個位，拎起Valarie枱面個電話聽筒喺自己身上各部位磨擦，足足磨擦左成分幾兩分鐘佢先肯停手。之後佢行左埋去Miki個位度，正當我期待緊佢會點對付Miki之際，出人意表到佢只係拎起左Miki個電話聽筒鍚左啖，又拎起Miki個水杯鍚左啖佢就好滿足咁行開左。而到左Kathy個位佢直頭無視乜都無做到，而佢嘅最後一部，係去左Daisy個位……

 

「一睇你個Daisy都係密實始娘假正經啦，唔得啦，一諗起又扯左，等我黎多炮先。」見到佢竟然想對Daisy出手令我血氣上湧，我即刻撲出去阻止佢。阿輝畀突然出現嘅我嚇到大叫，由於諗起佢想對Daisy出手，而且佢平時仲要喺部水機度自瀆，我控制唔到自己咁不斷對佢拳打腳踢，直到佢叫救命為止。當我回復理智果陣，我見到下半乜都無著嘅阿輝訓左喺地下度呻吟。我無理佢就轉身走左，喺公司樓下我見到Miki笑笑口咁等我。Miki走上前話：「公司部水機我一次都無用過，而且我日日返到黎都會用消毒藥水抹過啲野架。不過其實女同事就慘啲啦哈哈。」我呢一刻唔知畀咩反應Miki，我想問佢點解會知道阿輝呢啲野，不過我就問黎都多餘，佢都唔會答我真話架啦。佢繼續話：「我諗咁樣畀你撞破一次之後，阿輝以後都會對你言聽計從架啦。咁樣送左件禮物畀你，證明我真係有誠意同你合作啦。」「你究竟想點？」「我目的唔重要，起碼而家我同你目標係一樣，都係想對付Judy，你今朝開出黎嘅條件恕我接受唔到。你想知道我嘅秘密，什至想得到我，就要靠你自己努力啦。」我諗左一諗，同佢講：「無問題呀，聽日我會搵阿權上黎玩多Judy一次，你到時自己執生配合我啦。」而Miki都好滿意呢個結果走左。

 





講返今日，阿輝尋晚打左好多次畀我，但我都專登無聽，猶如驚弓之鳥嘅佢一早已經喺公司樓下等我。佢見到我之後拉左入後巷度，我初初都扮到好抗拒，但一輪糾纏之下我地行到入後巷，阿輝一黎就跪左喺度求我原諒佢。我初初都扮到好嬲，但其實心情已經平伏左嘅我單純都係做下戲吊高黎賣。喺見差唔多都玩夠果陣我同阿輝講我會因應佢表現而唔告發佢。之後我就再無理佢上左樓，一上到公司我見到Evans同Daisy兩個傾得好開心，雖然我有啲醋意大發，不過由於對方係Evans，我唯有笑笑口咁行左埋去加入佢地嘅話題。Evans一黎就同我講話Judy尋晚叫左佢出去飲嘢，話自己啱啱同個音樂人男朋友分左手，所以好唔開心。原本仲呷緊醋嘅我一聽到之後就心底一驚，因為Judy就咁化解左我準備用阿權呢一招。難怪我尋晚搵唔到阿權啦……我立刻whatsapp左Miki話佢知今日個行動失敗左，而Miki都只係叫我努力再諗下就無再應我。估唔到我付短短喺呢幾十個鐘入面，除左對付唔到Judy之外，仲要又畀Miki估左上風，睇黎我真係要諗下計扭轉乾坤。