終於都出嚟啦,依家我先發現倩瑜喺度抽泣,我拎咗張紙巾俾佢之後下意識攬住佢。

倩瑜開始停止抽泣,我做緊乜!?即刻放返開佢。佢塊面紅晒。芊雪:「原來哥哥同倩瑜姐姐拍緊拖呀」「冇...冇咁嘅事」

傑洛德:「我已經喺另一個世界睇厭晒你兩個呢啲畫面lol」傑洛德:「芊雪呀,姐姐玩唔到,不如我陪你去玩機動遊戲吖」芊雪:「好呀」傑洛德:「咁我哋晏啲見啦」講完就同芊雪離開。

你想拐帶我個妹去邊......

[whatsapp-傑洛德]
傑洛德:「加油!💪」咩呀......





倩瑜:「咁...我哋去邊?」「吖...灰熊山谷啦」倩瑜:「嗯...」佢仲有啲怕羞咁。

[小食亭]
「炸雞薯條,兩盒 thx」......開完我茄汁之後,反正都係,同佢開埋。

倩瑜:「唔...唔該」我哋冇對話咁食完呢餐。倩瑜耷低頭食嘢嗰下,髮尾跌咗落嚟,佢用手將頭髮撥到耳仔後面
嗰個畫面... 嗰個畫面...

呢個畫面真係好靚!好想影低!





我係度諗乜嘢呀!!!

倩瑜:「做咩呀?」「冇...冇嘢」倩瑜側頭:「嗯?」冷靜啲呀魏延亮...我咁同嗰班毒L有咩分別呀!

[幻想-婚後生活]
「仔仔以後間中學不如讀我哋以前嗰間吖」倩瑜:「但我想佢入好啲喎」「你話事啦老婆」

停啊!!!





倩瑜:「係啦,如果...我話我鍾意你」

「................」

[起身]「唔...唔好意思呀,我想去個廁所」固作鎮定咁行入廁所。

一入到去「嗄...嗄...嗄....」
[拎出手機-whatsapp]
「大鍋啦!!!佢同我表白啊!!!點算啊!!」
「係,我承認我鍾意佢...但我未拍過拖吖嘛!嗰個世界嘅我係點面對呢啲事㗎!過兩招救命呀兄弟!」

希望傑洛德可以覆...嗯?仆!!!親啦send錯咗俾倩瑜啊!!!

「啊!!!」小朋友:「爸爸,嗰個哥哥做咩呀?」佢爸爸:「唔好望呀,快啲走」





依家點算好呢?屈傑洛德拎我部電話嚟玩?佢都唔喺我隔離!愚人節快樂?今日都唔係愚人節!

死就死啦......

好緊張咁行出去,倩瑜亦顯得好唔自然......

「行...行囉」倩瑜:「嗯...」

待續
已有 0 人追稿